കോട്ടയം: അരിക്കും വിത്തിനും എന്താണ് സ്ത്രീകളുടെ പേരിടുന്നത്?​

മാദ്ധ്യമ പ്രവർത്തകരുടെ ചോദ്യത്തിന് കൃഷി മന്ത്രി പി.പ്രസാദ് ഉടൻ ഉത്തരം നൽകി - ''വിത്തുകൾക്ക് സ്ത്രീകളുടെ പേരിടുന്നത് പ്രത്യുദ്പാദന കഴിവുള്ളതുകൊണ്ടാണ്. ജീവികളിലെ പെൺ വർഗ്ഗമാണ് പ്രസവിക്കുന്നതും മുട്ടയിടുന്നതും. പൂവൻകോഴി മുട്ടയിട്ടതായോ പുരുഷൻ പ്രസവിച്ചതായോ കേട്ടിട്ടില്ല. പുരുഷന്മാർ അതിൽ അസ്വസ്ഥരാകേണ്ട'' - മന്ത്രിയുടെ മറുപടിയിൽ എല്ലാവർക്കും ചിരിപൊട്ടി.

കോട്ടയം പ്രസ്ക്ളബിലെ ജൈവ പച്ചക്കറി കൃഷിത്തോട്ടം ഉദ്ഘാടനം ചെയ്യാനെത്തിയതായിരുന്നു മന്ത്രി. സി.പി.ഐ ജില്ലാ സെക്രട്ടറി വി.ബി.ബിനു,​ ജില്ലാ കൃഷി ഓഫീസർ ഗീതാ വറുഗീസ് എന്നിവരും ഒപ്പമുണ്ടായിരുന്നു.