ചെന്നൈ: 11ന് പ്രധാനമന്ത്രി നരേന്ദ്ര മോദി ഫ്ലാഗ് ഓഫ് ചെയ്യുന്ന ദക്ഷിണേന്ത്യയിലെ ആദ്യ വന്ദേഭാരത് എക്സ്പ്രസ് ചെന്നൈയിൽ നിന്ന് ബംഗളൂരു വഴി മൈസൂരിലെത്തുക ഏഴു മണിക്കൂർ കൊണ്ട്. 921 രൂപയാണ് അടിസ്ഥാന ടിക്കറ്റ് ചാർജ്. എക്സിക്യുട്ടീവ് ക്ലാസിൽ 1,880 രൂപ ഈടാക്കും.
നിലവിലുള്ള ശതാബ്ദി എക്സ്പ്രസിന് പകരമായിരിക്കും വന്ദേ ഭാരത് എത്തുകയെന്നാണ് സൂചന. രാജ്യത്ത് ഓടുന്ന അഞ്ചാമത്തെ വന്ദേ ഭാരത് എക്സ്പ്രസാണ് ചെന്നൈ - മൈസൂർ സർവീസ്. ബുധനാഴ്ച ഒഴികെയുള്ള എല്ലാ ദിവസവും ട്രെയിൻ ഓടും. 16 കോച്ചുള്ള ട്രെയിനിൽ 1,128 പേർക്ക് ഇരിക്കാനുള്ള സൗകര്യമുണ്ട്.
രാവിലെ 5.50 ന് ചെന്നൈയിൽ നിന്ന് പുറപ്പെടുന്ന ട്രെയിൻ 10.25ന് ബംഗളൂരുവിലെത്തു. അഞ്ചു മിനിട്ടത്തെ ഇടവേളയ്ക്ക് ശേഷം പുറപ്പെട്ട് 12.30ന് മൈസൂരുവിലെത്തും. 504 കിലോമീറ്ററുള്ള മൈസൂരു - ചെന്നൈ റൂട്ട് 6 മണിക്കൂർ 40 മിനിറ്റ് കൊണ്ട് ഓടിയെത്തും.
ചെന്നൈ - മൈസൂരു വന്ദേഭാരത്
സർവീസ് നടത്തുന്ന ദൂരം- 504 കിലോമീറ്റർ
ഓടാനെടുക്കുന്ന സമയം- 6 മണിക്കൂർ 40 മിനിറ്റ്
ഇക്കോണമി ക്ലാസ്, എ.സി ചെയർ കാർ ചാർജ്- 921 രൂപ
എക്സിക്യുട്ടീവ് ക്ലാസ് യാത്രയ്ക്ക്- 1,880 രൂപ
ആകെ കോച്ചുകൾ- 16
ഇരിക്കാവുന്ന യാത്രക്കാർ- 1,128
മൈസൂരു - ബംഗളൂരു ഇക്കണോമി ക്ലാസ്- 368 രൂപ
എക്സിക്യുട്ടീവ് ക്ലാസ്- 768 രൂപ
ശതാബ്ദി ടിക്കറ്റ് നിരക്കുകളേക്കാൾ ഏകദേശം 39% കൂടുതൽ
മണിക്കൂറിലെ പരമാവധി വേഗത- 160 കിലോമീറ്റർ
വേഗത 100 കിലോമീറ്റർ ആകാൻ വേണ്ട സമയം- 52 സെക്കൻഡ്
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |