കൊല്ലം: കൊട്ടാരക്കര നെല്ലിക്കുന്നം അരീക്കൽ ആയുർവേദ ഹോസ്പിറ്റലും ഓടനാവട്ടം ലയൺസ് ക്ളബ്ബും സംയുക്തമായി തിരുനൽവേലി അരവിന്ദ് കണ്ണാശുപത്രിയുടെ സഹകരണത്തിൽ സൗജന്യ നേത്ര പരിശോധനയും തിമിര ശസ്ത്രക്രിയാ ക്യാമ്പും നടത്തുന്നു. 11ന് രാവിലെ 8 മുതൽ ഉച്ചയ്ക്ക് 1വരെ ഓടനാവട്ടം കെ.ആർ.ജി.പി.എം.എച്ച്.എസ്.എസിലാണ് ക്യാമ്പ് നടത്തുക. വെളിയം ഗ്രാമപഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ കെ.സോമശേഖരൻ ഉദ്ഘാടനം ചെയ്യും. ലയൺസ് ക്ളബ് പ്രസിഡന്റ് എസ്.മനോഹരൻ അദ്ധ്യക്ഷനാകും. ഡോ.എ.ആർ.സ്മിത്ത് കുമാർ,​ ഉമ്മൻ മാത്യു,​ ഷീബ സന്തോഷ്, ആർ.ബി.ബിജു, ടി.ബി.ബിജു, വി.കെ.ഗോപാലകൃഷ്ണപിള്ള, ജി.പ്രസാദ്, കെ.ജോൺ വിൽഫ്രഡ് എന്നിവർ സംസാരിക്കും. ഫോൺ: 9645599633.