മേഘാലയ തിരഞ്ഞെടുപ്പ്: കോൺഗ്രസിന്റെ അന്തിമ സ്ഥാനാർത്ഥി പട്ടിക

ന്യൂഡൽഹി: മേഘാലയ നിയമസഭ തെരഞ്ഞെടുപ്പിനുള്ള സ്ഥാനാർത്ഥികളുടെ അന്തിമ പട്ടിക കോൺഗ്രസ് പ്രഖ്യാപിച്ചു. അഞ്ച് സീറ്റുകളിലേക്കുള്ള സ്ഥാനാർത്ഥികളെയാണ് പ്രഖ്യാപിച്ചത്. അന്തിമ പട്ടിക കേന്ദ്ര തിരഞ്ഞെടുപ്പ് കമ്മിറ്റി അംഗീകരിച്ചതായി മേഘാലയ പ്രദേശ് കോൺഗ്രസ് കമ്മിറ്റി പ്രസിഡന്റും എം.പിയുമായ വിൻസെന്റ് എച്ച്. പാല പറഞ്ഞു. 55 സ്ഥാനാർത്ഥികളെ നേരത്തേ പ്രഖ്യാപിച്ചിരുന്നു.
60 നിയമസഭാ സീറ്റുകളാണുള്ളത്. ഫെബ്രുവരി 27നാണ് തിരഞ്ഞെടുപ്പ്. നാമനിർദ്ദേശ പത്രിക സമർപ്പിക്കാനുള്ള അവസാന തീയതി ഫെബ്രുവരി ഏഴാണ് . വോട്ടെണ്ണൽ മാർച്ച് രണ്ടിന് നടക്കും.