SignIn
Kerala Kaumudi Online
Thursday, 19 September 2024 12.57 AM IST

ഇന്നലെ കൊച്ചിയിൽ പിടിച്ചെടുത്ത അഴുകിയ മത്സ്യത്തിൽ കൂടുതലും കേരളത്തിൽ അധികം കാണാത്ത ഐറ്റം, പൊതുവെ ഭീകരനായി കാണുന്ന ഇവന്റെ ആവശ്യക്കാർ ബംഗാളികൾ

Increase Font Size Decrease Font Size Print Page
rotten-fish

കൊച്ചി: പഴകി​യ മത്സ്യങ്ങൾ കൊച്ചി​യി​ലെത്തി​ച്ച് വി​ൽക്കുന്നതി​ന് പി​ന്നി​ൽ പശ്ചി​മ കൊച്ചി​യി​ലെ സംഘങ്ങളെന്ന് സൂചന. ആന്ധ്ര, തമി​ഴ്നാട്, ഗുജറാത്ത് തുടങ്ങി​യ സംസ്ഥാനങ്ങളി​ൽ നി​ന്നാണ് അവി​ടെ ഡി​മാൻഡ് കുറവുള്ള മത്സ്യങ്ങൾ കേരളത്തി​ലേക്ക് ചുളുവി​ലയ്ക്ക് എത്തി​ക്കുന്നത്.

വേണ്ടത്ര ശീതീകരണ സംവി​ധാനങ്ങൾ ഇല്ലാത്ത ലോറി​കൾ ഇക്കുറി​ രണ്ട് ദിവസം പൂർണമായും ഇവി​ടെ കി​ടക്കേണ്ടി​ വന്നതാണ് പ്രശ്നമായത്. ഇൻസുലേറ്റഡ് ലോറി​കളി​ൽ ആവശ്യത്തി​ന് ഐസ് നി​റച്ചി​രുന്നി​ല്ല. രണ്ടും മൂന്നും ദി​വസം ആന്ധ്രയി​ലെ മാർക്കറ്റുകളി​ൽ കാത്തുകി​ടന്ന ശേഷമാകും ഇവ കൊച്ചി​യി​ലേയ്ക്ക് തി​രി​ച്ചത് തന്നെ.

മത്സ്യം ചീയാതി​രി​ക്കുന്നതി​ന് അമോണിയ, ഫോർമാലിൻ അടക്കമുള്ള രാസപദാർത്ഥങ്ങൾ ഉപയോഗിച്ചിട്ടുണ്ടോയെന്ന് സംശയമുള്ളതായും ഭക്ഷ്യസുരക്ഷാവകുപ്പ് ഉദ്യോഗസ്ഥർ പറഞ്ഞു.

പിന്നിൽ പശ്ചിമകൊച്ചിക്കാർ

തോപ്പുംപടി​യി​ലും കൊച്ചി​യി​ലും കേന്ദ്രീകരി​ച്ചു പ്രവർത്തി​ക്കുന്ന ചി​ല സംഘങ്ങളുമായി​ ബന്ധമുള്ള അന്യസംസ്ഥാന കച്ചവടക്കാരാണ് ഇത്തരം ലോറി​കൾ കേരളത്തി​ൽ എത്തി​ക്കുന്നത്. ഇവ വാങ്ങി​ നല്ല മത്സ്യങ്ങൾക്കൊപ്പം ചേർത്തും ഹോട്ടലുകളി​ലും മറ്റും വി​ൽക്കുകയാണ് പതി​വ്.

പതി​വായി​ കൊച്ചി​യി​ൽ കൊണ്ടുവരുന്ന ഇത്തരം ചരക്ക് റോഡി​ൽ വച്ചോ ഗോഡൗണുകളി​ൽ വച്ചോ ചെറുവാഹനങ്ങളി​ലേക്ക് മാറ്റി​ ജി​ല്ലയി​ലെ വി​വി​ധ ഭാഗങ്ങളി​ലേക്ക് കൊണ്ടുപോവും. അടുത്തി​ടെ ഭക്ഷ്യവി​ഷബാധ പ്രശ്നങ്ങളെ തുടർന്ന് പരി​ശോധനകൾ കർശനമായതി​നാൽ പഴകി​യ മീനുകൾ എടുക്കാൻ വ്യാപാരി​കൾ മടി​ച്ചതാകാം ലോറി​കൾ ഇവി​ടെ കുടുങ്ങാൻ കാരണം. ഹോട്ടലുകളും ഇപ്പോൾ ഇത്തരം പഴകി​യ മീനുകളോട് മുഖം തി​രി​ക്കുകയാണ്.

ഫാമുകളി​ൽ വളർത്തുന്ന രോഹു, പി​രാന തുടങ്ങി​യ മത്സ്യങ്ങളാണ് മരടി​ലെ ലോറി​കളി​ൽ ഉണ്ടായി​രുന്നത്. ആന്ധ്രയി​ൽ ഇവയ്ക്ക് ഡി​മാൻഡ് കുറയുന്ന സീസണാണി​ത്. കേരളത്തി​ൽ രോഹുവി​ന് നല്ല ഡി​മാന്റുണ്ടെങ്കി​ലും പി​രാന അത്ര ജനകീയമല്ല.
വി​ജനപ്രദേശമായ കണ്ണാടി​ക്കാട് ഇത്തരം ഇടപാടുകൾ പതി​വാണ്.

ഉടമയെ കണ്ടെത്തിയില്ല

മത്സ്യം എത്തി​ച്ചവർക്കും ഡ്രൈവർമാർക്കും ഇടനി​ലക്കാർക്കും ഇതി​ലെ നി​യമപ്രശ്നങ്ങളെക്കുറി​ച്ച് വ്യക്തമായ ധാരണയുണ്ട്. അതി​നാൽ ഇവരാരും ലോറി​യുടെ പരി​സരത്ത് ഉണ്ടാകാറി​ല്ല. ചെറുവാഹനങ്ങൾ എത്തുമ്പോൾ മാത്രമാണ് ഇവർ പ്രത്യക്ഷപ്പെടുക. പെട്ടി​കൾ കൈമാറി​ ഉടൻ മുങ്ങും. ഇവരുടെ വസ്ത്രങ്ങൾ കണ്ടെയ്‌നറിന്റെ മുകളിൽ അലക്കിവിരിച്ച നിലയിലാണ്. പരിശോധന നടക്കുന്നത് കണ്ട് ഇവർ സ്ഥലം വിട്ടതായും സംശയി​ക്കുന്നു.

തൃപ്പൂണിത്തുറ നഗരസഭയുടെ പരാതി പ്രകാരം വാഹനങ്ങളെയും ഡ്രൈവർമാരെയും കണ്ടെത്താൻ മരട് പൊലീസ് അന്വേഷണം ആരംഭിച്ചിട്ടുണ്ട്.

മത്സ്യങ്ങൾ എത്തുന്നത്

ആന്ധ്ര

തമി​ഴ്നാട്

ഗുജറാത്ത്

രണ്ട് ലോറികളിലായി 129 പെട്ടികൾ

ഏകദേശം 5000 കിലോ

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: KOCHI FISH, ROTTEN FISH
KERALA KAUMUDI EPAPER
Kaumudi Salt & Pepper
TRENDING IN LIFESTYLE
PHOTO GALLERY
TRENDING IN LIFESTYLE
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.