തെരുവോര ചിത്രവര

പയ്യന്നൂർ : അന്താരാഷ്ട്ര വനിത ദിനാഘോഷത്തോടനുബന്ധിച്ച് നഗരസഭ കുടുംബശ്രീ സി.ഡി. എസിന്റെ ആഭിമുഖ്യത്തിൽ പയ്യന്നൂരിലെ ചിത്രകാര സംഘടനയായ കാൻവാസിന്റെ സഹകരണത്തോടെ " തുല്യത പൂക്കുന്ന കാലം " എന്ന പേരിൽ തെരുവ് ചിത്ര വര സംഘടിപ്പിച്ചു. യുവ ചിത്രകാരികളായ നന്ദിതരാജീവ്, നിവേദിതരാജീവ്, ദുർഗ്ഗശ്രീജിത്ത്, അനില മനോജ്, അമൽദേവ് , ആശ ബാലകൃഷ്ണൻ മുതിർന്ന ചിത്രകാരിയായ സി.നളിനി, കാൻവാസ് പ്രസിഡന്റ് ജനാർദ്ദൻ ഷാഡോ , ജയൻരൂപം തുടങ്ങിയവർ ചിത്ര രചന നടത്തി. പെരുമ്പ ദേശീയപാത ടാക്സിസ്റ്റാൻഡ് പരിസരത്ത് ,

ശില്പിയും ചിത്രകാരനുമായ കെ.കെ.ആർ.വെങ്ങര ഉദ്ഘാടനം ചെയ്തു.നഗരസഭ ചെയർപേഴ്സൺ കെ.വി.ലളിത അദ്ധ്യക്ഷത വഹിച്ചു. വൈസ് ചെയർമാൻ പി.വി.കുഞ്ഞപ്പൻ,സ്ഥിരം സമിതി അദ്ധ്യക്ഷൻമാരായ സി.ജയ , വി.ബാലൻ, ടി.പി.സെമീറ, ടി.വിശ്വനാഥൻ, വി.വി.സജിത, കൗൺസിലർമാരായ ഇക്ബാൽ പോപ്പുലർ , ബി.കൃഷ്ണൻ , കുടുംബശ്രീ സി.ഡി.എസ് ചെയർപേഴ്സൺ പി.പി.ലീല സംസാരിച്ചു.