ബ്രഹ്മപുരം മാലിന്യ പ്ലാന്റിലെ തീ അണയാതെ പതിനൊന്നാം ദിവസവും തുടരവെ പ്രതികരണവുമായി സിനിമ താരം രമേശ് പിഷാരടി. ഫേസ്ബുക്ക് പോസ്റ്റിലൂടെയാണ് താരം പ്രതികരിച്ചത്. ബ്രഹ്മപുരത്ത് തീ അണയ്ക്കാൻ രാപ്പകൽ ശ്രമിക്കുന്ന അഗ്നിശമന സേനാംഗങ്ങളോടും പൊതുപ്രവർത്തകരോടും സന്നദ്ധ സംഘടനകളോടും തനിക്ക് ആദരവുണ്ടെന്ന് വ്യക്തമാക്കിയ പിഷാരടി 'പൊക' എന്ന പൊളിറ്റിക്കൽ കറക്ട്നസിനെ കുറിച്ചും പറയുന്നു. കണ്ണെരിഞ്ഞും, ചുമച്ചും,ശ്വാസം മുട്ടിയും, ചൊറിഞ്ഞുതടിച്ചും നിന്ന് ന്യായീകരിക്കുന്നവരോട് അനുതാപമുണ്ടെന്നായിരുന്നു പിഷാരടിയുടെ പരിഹാസം.

ഫേസ്ബുക്ക് പോസ്റ്റിൻെറ പൂർണരൂപം

കറക്റ്റ്നെസ്സ് അഥവാ 'പൊ ക'

ബ്രഹ്മപുരത്ത് തീ

അണയ്ക്കാൻ ശ്രമിക്കുന്ന പൊതുപ്രവർത്തകരോടും സന്നദ്ധ സംഘടനകളോടും എനിക്ക് ആദരവുണ്ട്.

അഗ്നിശമന സേനാംഗങ്ങളോടും അവരുടെ ജീവൻ പണയം വച്ചുള്ള ശ്രമങ്ങളോടും എനിക്ക് ആദരവുണ്ട്

എന്നാൽ

അനുതാപമുള്ളത്

കണ്ണെരിഞ്ഞും, ചുമച്ചും,ശ്വാസം മുട്ടിയും, ചൊറിഞ്ഞുതടിച്ചും നിന്ന് ന്യായീകരിക്കുന്നവരുടെ

പൊളിറ്റിക്കൽ

കറക്റ്റ്നെസ്സിനോടാണ്