തിരുവനന്തപുരം: കോഴിക്കോട് ജില്ലയിൽ വിവിധ വകുപ്പുകളിൽ കോൺഫിഡൻഷ്യൽ അസിസ്റ്റന്റ് ഗ്രേഡ് 2(കാറ്റഗറി നമ്പർ 277/ 2018) തസ്തികയിലേക്കുള്ള ചുരുക്കപട്ടികയിലുൾപ്പെട്ടവർക്ക് 22,23,24 തീയതികളിൽ പി.എസ്.സി കോഴിക്കോട് ജില്ലാ ഓഫീസിൽ വച്ചും 31ന് കണ്ണൂർ ജില്ലാ ഓഫീസിൽ വച്ചും അഭിമുഖം നടത്തും. അഡ്മിഷൻ ടിക്കറ്റ് പ്രൊഫൈലിൽ ലഭ്യമായിട്ടില്ലാത്തവർ പി.എസ്.സി. കോഴിക്കോട് ജില്ലാ ഓഫീസുമായി ബന്ധപ്പെടണം. ഫോൺ:0495 2371971.
കൊല്ലം ജില്ലയിൽ വിദ്യാഭ്യാസ വകുപ്പിൽ യു.പി. സ്കൂൾ ടീച്ചർ (മലയാളം മീഡിയം)-തസ്തികമാറ്റം മുഖേന (കാറ്റഗറി നമ്പർ 334/2020) തസ്തികയിലേക്ക് 22ന് രാവിലെ 11ന് പി.എസ്.സി ആസ്ഥാന ഓഫീസിൽ അഭിമുഖം നടത്തും. ഉദ്യോഗാർത്ഥികൾ അഡ്മിഷൻ ടിക്കറ്റ്,ബയോഡാറ്റ,യോഗ്യത തെളിയിക്കുന്ന സർട്ടിഫിക്കറ്റുകൾ,തിരിച്ചറിയൽ രേഖ എന്നിവ സഹിതം രാവിലെ 8.30ന് ഹാജരാകണം.
സർട്ടിഫിക്കറ്റ് പരിശോധന
സംസ്ഥാന ജലഗതാഗത വകുപ്പിൽ കാർപ്പന്റർ (കാറ്റഗറി നമ്പർ 317/2019) തസ്തികയിലേക്കുളള ചുരുക്കപട്ടികയിലുൾപ്പെട്ടവർക്ക് 21ന് പി.എസ്.സി. ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും. പരിശോധന പൂർത്തിയാക്കിയവർ വീണ്ടും ഹാജരാകേണ്ടതില്ല.
കേരള സംസ്ഥാന സഹകരണ മേഖലയിലെ അപെക്സ് സൊസൈറ്റികളിൽ/മത്സ്യഫെഡിൽ ടൈപ്പിസ്റ്റ് ഗ്രേഡ്2/ഡാറ്റ എൻട്രി ഓപ്പറേറ്റർ (പാർട്ട് 1-ജനറൽ കാറ്റഗറി,പാർട്ട് 2-മത്സ്യതൊഴിലാളികൾ/മത്സ്യതൊഴിലാളികളുടെ ആശ്രിതർ),(കാറ്റഗറി നമ്പർ 232/2020,233/2020) തസ്തികയിലേക്കുള്ള സാദ്ധ്യതാപട്ടികയിലുൾപ്പെട്ടവർക്ക് 20,21 തീയതികളിൽ പി.എസ്.സി. ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.
സാങ്കേതിക വിദ്യാഭ്യാസ വകുപ്പിൽ ഹെഡ് ഒഫ് സെക്ഷൻ ഇൻ കൊമേഴ്സ്യൽ പ്രാക്ടീസ് (കാറ്റഗറി നമ്പർ 189/2019) തസ്തികയിലേക്ക് 20,21,22 തീയതികളിൽ പി.എസ്.സി. ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |