ഗാന്ധിനഗർ: പൊലീസിന്റെ കസ്റ്റഡി മർദ്ദനവും ക്രൂരതകളുമൊക്കെയാണ് പലപ്പോഴും മാദ്ധ്യമങ്ങളിൽ വാർത്തയാകാറുള്ളത്. പൊലീസിന്റെ നന്മപ്രവർത്തികൾ വേണ്ടത്ര ശ്രദ്ധിക്കപ്പെടാതെ പോകാറുമുണ്ട്. ഇപ്പോഴിതാ ഒരു യുവ പൊലീസ് ഉദ്യോഗസ്ഥന്റെ പ്രവർത്തി ഒരു വിദ്യാർത്ഥിനിയുടെ സ്വപ്‌നങ്ങൾ തകരാതെ സംരക്ഷിച്ചിരിക്കുകയാണ്. ഗുജറാത്തിലാണ് സംഭവം. തെറ്റായ പരീക്ഷാകേന്ദ്രത്തിലെത്തിയ വിദ്യാർത്ഥിനിലെ സഹായിച്ച യുവപൊലീസുകാരനാണ് ഇപ്പോൾ താരമാകുന്നത്.

ഗുജറാത്തിൽ ബോർഡ് പരീക്ഷയെഴുതാൻ വിദ്യാർത്ഥിനിയെ പിതാവ് കൊണ്ടുവിട്ടത് തെറ്റായ പരീക്ഷാകേന്ദ്രത്തിലായിരുന്നു. ഹാളിലെത്തി വിദ്യാർത്ഥിനി റോൾ നമ്പർ പരിശോധിച്ചപ്പോഴാണ് തെറ്റായ കേന്ദ്രത്തിലാണ് എത്തിയതെന്ന് മനസിലായത്. ഇതിനിടെ പിതാവ് മടങ്ങിപ്പോവുകയും ചെയ്തിരുന്നു.

പരീക്ഷാഹാൾ മാറിപ്പോയ വിഷമത്തിൽ നിൽക്കുകയായിരുന്നു പെൺകുട്ടിയെ അവിടെ ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥൻ ശ്രദ്ധിച്ചിരുന്നു. തുടർന്ന് വിവരം തിരക്കിയപ്പോഴാണ് അബദ്ധം പറ്റിയതായി കുട്ടി പറയുന്നത്. ശരിയായ പരീക്ഷാ കേന്ദ്രം 20 കിലോമീറ്റർ അകലെയും. പിന്നാലെ ജീപ്പുമായി എത്തിയ പൊലീസുകാരൻ സൈറൺ മുഴക്കി കുട്ടിയെ കൃത്യമായി പരീക്ഷാകേന്ദ്രത്തിലെത്തി ക്കുകയായിരുന്നു.

A incident in Gujrath 👍🙏
This girl was about to write her Board exams. But in a hurry her father dropped her to a another school exam centre. Girl searched her roll number but it was not there in the list. So realized she was at a wrong examination centre.
Thread.... pic.twitter.com/mRtwjylHbK

— Adarsh Hegde (@adarshahgd) March 16, 2023

A police officer who was on duty saw her in tension. He enquired her and she said she was in wrong place. When the officer saw the address of her centre mentioned in hall ticket it was 20 Km away. So he decided to drop her in his police jeep with siren on.

— Adarsh Hegde (@adarshahgd) March 16, 2023

With full speed they reached her correct school examination centre on time. Thanks to Police officer for helping her. There are many Good Police officers in our society 🙂👍🙏

— Adarsh Hegde (@adarshahgd) March 16, 2023

കൃത്യസമയത്ത് ഹാളിലെത്തിച്ച് കുട്ടി പരീക്ഷ എഴുതിയെന്ന് ഉറപ്പാക്കാനും പൊലീസുകാരന്‍ മറന്നില്ല. ഇതിന്റെ ചിത്രങ്ങൾ പ്രചരിച്ചതിന് പിന്നാലെ നിരവധിപ്പേരാണ് പൊലീസ് ഉദ്യോഗസ്ഥനെ അഭിനന്ദിച്ച് എത്തിയിരിക്കുന്നത്.