കൊല്ലം : ജനസാന്ദ്രത കണക്കിലെടുത്ത് ഇരവിപുരം പൊലീസ് സ്റ്റേഷനിലെ അംഗബലം വർദ്ധിപ്പിക്കണമെന്ന പൊലീസ് മേധാവിയുടെ ശുപാർശ പരിശോധിച്ചു വരികയാണെന്ന് മുഖ്യമന്ത്രി നിയമസഭയിൽ പറഞ്ഞു. ഒരു ഇൻസ്പെക്ടർ, 5 സബ് ഇൻസ്പെക്ടർ, 2 അസി.സബ് ഇൻസ്പെക്ടർ, 13 സീനിയർ സിവിൽ പൊലീസ് ഓഫീസർ, 20 സിവിൽ പൊലീസ് ഓഫീസർ, 4 വനിതാസിവിൽ പൊലീസ് ഓഫീസർ എന്നിങ്ങനെ 45 തസ്തികകളാണുള്ളത്. ക്രമസമാധാന പ്രശ്നങ്ങൾ, ഉത്സവം തുടങ്ങിയ അവശ്യഘട്ടങ്ങളിൽ അധിക സേനാംഗങ്ങളെ വിന്യസിക്കേണ്ടി വന്നാൽ മറ്റ് സ്റ്റേഷനുകളിൽ നിന്നും ക്യാമ്പുകളിൽ നിന്നും ക്രമീകരണമൊരുക്കുമെന്ന് എം.നൗഷാദിന്റെ സബ്മിഷന് മുഖ്യമന്ത്രിയുടെ മറുപടി നൽകി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |