SignIn
Kerala Kaumudi Online
Wednesday, 17 April 2024 2.51 AM IST

വീണ്ടും അമേരിക്കയെ നടുക്കി സ്കൂളിൽ വെടിവെയ്പ്; കുട്ടികളടക്കം ആറ് മരണം, നിരവധിപേർക്ക് പരിക്ക്

school-fire

ന്യൂയോർക്ക്: അമേരിക്കയിൽ വീണ്ടും സ്കൂളിൽ വെടിവെയ്പ്പ്. തിങ്കളാഴ്ച ടെന്നസിയിലെ നാഷ്‌വില്ലെയിലെ എലമെന്ററി സ്കൂളിലുണ്ടായ വെടിവെപ്പിൽ വിദ്യാർത്ഥികളടക്കം അടക്കം ആറ് പേർ കൊല്ലപ്പെട്ടതായാണ് വിവരം. നിരവധി പേർക്ക് പരിക്കേറ്റു. മൂന്ന് വിദ്യാർത്ഥികളും മൂന്ന് സ്കൂൾ ജീവനക്കാരും കൊല്ലപ്പെട്ടവരിൽ ഉൾപ്പെടുന്നു.

ബർട്ടൺ ഹില്ലിലെ പ്രെസ്ബിറ്റീരിയൻ ചർച്ചിനോട് ചേർന്ന് പ്രവർത്തിക്കുന്ന കവനന്റ് സ്കൂളിലെത്തിയ തോക്കുധാരി നിറയൊഴിക്കുകയായിരുന്നു. 28-കാരിയായ വനിതയാണ് ആക്രമം നടത്തിയത് എന്നാണ് വിവരം. ഇവരെ വെടിവെച്ച് കൊലപ്പെടുത്തിയതായി നാഷ്‌വില്ലെ പൊലീസ് ഡിപ്പാർട്ട്മെന്റ് ഔദ്യോഗികമായി സ്ഥിരീകരിച്ചു. എന്നാൽ ഇതിന് മുൻപ് തന്നെ മൂന്ന് കുട്ടികളടക്കം വെടിയേറ്റ് മരിച്ചു.

2001 മുതൽ പ്രവർത്തനമാരംഭിച്ച കവനന്റ് സ്കൂൾ നാഷ്‌വില്ലെയിലെ പ്രെസ്ബിറ്റീരിയൻ പള്ളിയ്ക്ക് കീഴിലാണ് പ്രവർത്തിച്ച് വരുന്നത്. ആറാം ക്ളാസ് വരെ പ്രീസ്കൂൾ ക്ളാസുകളുള്ള ഇവിടെ 200-ഓളം വിദ്യാ‌ർത്ഥികൾ പഠിക്കുന്നതായാണ് വിവരം. ഇടയ്ക്കിടെ സ്കൂളുകളിലും പൊതു സ്ഥലങ്ങളിലും വെടിവെയ്പ്പുണ്ടാകുന്നത് തുടർക്കഥയായതോടെ അമേരിക്കയിലെ തോക്ക് കൈവശം വെയ്ക്കുന്നത് സംബന്ധിച്ച നിയമങ്ങളിൽ നിയന്ത്രണം കൊണ്ട് വരണമെന്ന ആവശ്യം ശക്തമായിരുന്നു. വിവിധ പ്രവിശ്യകളിൽ ഇത് സംബന്ധിച്ച് പ്രതിഷേധവുമരങ്ങേറിയിരുന്നു. ഇതിനിടയിലാണ് വീണ്ടും വെടിവെയ്പുണ്ടായതും മൂന്ന് കുരുന്നുകളുടെ ജീവൻ പൊലിഞ്ഞതും.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, AMERICA, AMERICA, GUN, VIOLENCE, SCHOOL, SHOOTING
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.