മലപ്പുറം: തിരൂരങ്ങാടിയിൽ പൊലീസ് വൈദ്യപരിശോധനയ്ക്കെത്തിച്ച പ്രതി അക്രമാസക്തനായി. കഴിഞ്ഞ വെള്ളിയാഴ്ചയായിരുന്നു സംഭവം. ചേലമ്പ്ര സ്വദേശി റഫീഖ് ആണ് അക്രമാസക്തനായതെന്നാണ് റിപ്പോർട്ടുകൾ. സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്.
'അടിച്ചോ അടിച്ചോ എനക്ക് കൊയപ്പമില്ല' എന്നൊക്കെ പ്രതി പറയുന്നത് വീഡിയോയിലുണ്ട്. മദ്യലഹരിയിൽ വയോധികന്റെ വീടിന്റെ ജനൽച്ചില്ലുകൾ പൊട്ടിച്ചെന്ന പരാതിയിലാണ് ഇയാളെ പൊലീസ് കസ്റ്റഡിയിലെടുത്തത്. രാത്രി 11.45 ഓടെയാണ് വൈദ്യപരിശോധനയ്ക്കായി തിരൂരങ്ങാടി താലൂക്ക് ആശുപത്രിയിൽ എത്തിച്ചത്.
പൊലീസുകാരെ പ്രതി ചവിട്ടുകയും അസഭ്യം പറയുകയും ചെയ്തു. ഇയാളുടെ തോളിലുണ്ടായിരുന്ന മുണ്ട് കൊണ്ട് കൈ പിന്നിലേക്ക് കെട്ടിയായിരുന്നു വൈദ്യ പരിശോധന നടത്തിയത്. തങ്ങളുടെ സുരക്ഷയ്ക്കായി ആശുപത്രി സൂപ്രണ്ട് കുരുമുളക് സ്പ്രേയും വാങ്ങി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |