കോന്നി : ഭൂഗർഭ ജലം സംരക്ഷിക്കുക എന്ന സന്ദേശവുമായി അട്ടച്ചാക്കൽ ഈസ്റ്റ് മഹിമ ആർട്സ് ആൻഡ് സ്പോർട്സ് ക്ലബ്ബിന്റെ ബാലസംഘം മഴവെള്ള സംരക്ഷണ തെരുവ് നാടകം സംഘടിപ്പിച്ചു. നെഹ്റു യുവകേന്ദ്രയുടെ സഹകരണത്തോടെ നടത്തിയ ക്യാച്ച് ദ റെയിൻ ക്യാമ്പയിന്റെ ഭാഗമായിരുന്നു നാടകവും ഫ്ളാഷ്മോബും. ക്ലബ്ബ് അംഗങ്ങളായ ശ്രീക്കുട്ടി, സമന്വയ, ദേവഗീത്, സോജൻ, അഖിലേഷ്, അഭിനേഷ്, ജിബിൻ, അച്ചു എന്നിവർ അരങ്ങത്ത് എത്തി. നാടകത്തിന്റെ രചനയും സംവിധാനവും നിർവഹിച്ചത് അദ്ധ്യാപകനും നാടകപ്രവർത്തകനുമായ കെ.ബിനുവാണ്. അക്ഷയ് കുമാർ , അനിൽകുമാർ ,റെജിമോൻ.വി.എസ്, ബിജു സോമൻ, ആന്റണി മണ്ണിൽ എന്നിവർ പ്രസംഗിച്ചു.