എസ്.ആർ. സുസ്മിതൻ, റോയ് കൊട്ടാരം, ഷാജുമോൻ, കൊല്ലം ശർമ്മ, കൊല്ലം സിറാജ്, അഞ്ചൽ മധു, ആൻസി വർഗീസ്, ജീവാ നമ്പ്യാർ, അനു തോമസ് എന്നിവരെ പ്രധാന കഥാപാത്രങ്ങളാക്കി ജെ.ഫ്രാൻസിസ് സംവിധാനം ചെയ്യുന്ന അഴക് മച്ചാൻ ജൂൺ 9 ന് പ്രദർശനത്തിന്. തമിഴ് ചലച്ചിത്ര രംഗത്ത് സഹസംവിധായകനായി പ്രവർത്തിച്ചു വരുന്ന ഫ്രാൻസിസിന്റെ സംവിധാനത്തിലൊരുങ്ങുന്ന ആദ്യ ചിത്രമാണ്. ഇൻവെസ്റ്റിഗേറ്റീവ് ത്രില്ലർ ഗണത്തിൽ മലയാളത്തിലാണ് ചിത്രം ഒരുക്കുന്നത്. തിരക്കഥ - ജെ.ഫ്രാൻസിസ്, സംഭാഷണം ഷിബു കല്ലിടാന്തി. എസ്.ആർ. സുസ്മിതൻ രചിച്ച് ജെ.ഫ്രാൻസിസ് ഈണമിടുന്ന ഗാനങ്ങൾ സുദീപ് കുമാർ, രാജലഷ്മി, അൻവർ സാദത്ത്, സരിതാ റാം, സനൽദാസ് എന്നിവർ ചേർന്ന് ആലപിക്കുന്നു. പി. ആർ.ഒ വാഴൂർ ജോസ്.