തൃശൂരിൽ ബസും ലോറിയും കൂട്ടിയിടിച്ച് നിരവധി പേർക്ക് പരിക്ക്; നാല് പേരുടെ നില ഗുരുതരം

തൃശൂർ: കൊടകരയിൽ ബസും ലോറിയും കൂട്ടിയിടിച്ച് നിരവധി പേർക്ക് പരിക്ക്. തൃശൂരിൽ നിന്ന് എറണാകുളത്തേക്ക് പോകുകയായിരുന്ന ബസാണ് അപകടത്തിൽപ്പെട്ടത്. നാലുപേരുടെ നില ഗുരുതരമാണെന്നാണ് റിപ്പോർട്ടുകൾ.

പുലർച്ചെ നാലുമണിയോടുകൂടിയാണ് അപകടം നടന്നത്. ദേശീയപാതയിൽ നിന്ന് കൊടകര സെന്ററിലേക്ക് ഇറങ്ങുകയായിരുന്ന ബസിന്റെ മുൻഭാഗം ലോറിയിൽ തട്ടി. ഈ സമയം മറ്റൊരു ലോറി വന്ന് ബസിന്റെ പിൻഭാഗത്തും ഇടിക്കുകയായിരുന്നു. പരിക്കേറ്റവർ വിവിധ ആശുപത്രികളിലായി ചികിത്സയിലാണ്. ഗുരുതരമായി പരിക്കേറ്റ നാല് പേരെ അപ്പോളോ ആശുപത്രിയിലാണ് പ്രവേശിപ്പിച്ചത്.