SignIn
Kerala Kaumudi Online
Sunday, 21 April 2024 10.53 AM IST

"യൂണിഫോം ഊരി തൃശൂർ അങ്ങാടിയിലിറങ്ങിയാൽ പൊന്നുമക്കളെ നിങ്ങളെ അടിച്ചിരിക്കും, സംശയം വേണ്ട"; പൊലീസിനെ പരസ്യമായി ഭീഷണിപ്പെടുത്തി കെ എസ് യു നേതാവ്‌

ksu

തൃശൂർ: പൊലീസിനെ പരസ്യമായി ഭീഷണിപ്പെടുത്തി കെ എസ് യു ജില്ലാ പ്രസിഡന്റ് ഗോകുൽ ഗുരുവായൂർ. തൃശൂർ ലോ കോളേജിലെ സംഘർഷത്തിൽ കെ എസ് യു പ്രവർത്തകർക്കെതിരെ കേസെടുക്കുകയും കസ്റ്റഡിയിലെടുക്കുകയും ചെയ്തിരുന്നു. ഇതിനുപിന്നാലെയാണ് ഗോകുലിന്റെ പ്രകോപനപരമായ പ്രസംഗം. ഇതിന്റെ വീഡിയോ പുറത്തുവന്നിട്ടുണ്ട്.

സി പി ഒ ശിവപ്രസാദിന്റെ പേരെടുത്തു പറഞ്ഞുകൊണ്ടാണ് ഭീഷണി. ശിവപ്രസാദിനെ തെരുവിൽ നേരിടുമെന്നും സംയമനം പാലിക്കുന്നത് യൂണിഫോമിനോടുള്ള ബഹുമാനം കൊണ്ടുമാത്രമാണെന്നും നേതാവ് പറയുന്നു.


'എസ് എഫ് ഐയുടെ വാക്കും കേട്ട് ലോ കോളേജിൽ കെ എസ് യുവിനെ തല്ലിച്ചതക്കുന്നതിന് വേണ്ടി മാത്രം കടന്നുവന്ന തൃശൂർ ജില്ലയിലെ എ സി പി അടക്കമുള്ള പൊലീസ് സംവിധാനത്തോടാണ് പറയുന്നത്. എല്ലാ കാലവും ഈ ഭരണം പിണറായി വിജയന്റേതായിരിക്കില്ല. എല്ലാ കാലവും പിണറായി വിജയൻ തന്നെയായിരിക്കില്ല കേരളത്തിന്റെ മുഖ്യമന്ത്രി. ഭരണം മാറും. ഞങ്ങളുടെ വിദ്യാർത്ഥികളെ, ഞങ്ങളുടെ പ്രവർത്തകരെ തല്ലിച്ചതച്ച സി പി ഒ ഓഫീസർ ശിവപ്രസാദിനോട് അടക്കമാണ് പറയുന്നത്. വീഡിയോ എടുക്കുന്നുണ്ട് പൊലീസുകാർ. വീഡിയോ എടുക്കുന്ന പൊലീസുകാരോട് തന്നെയാണ് പറയുന്നത്. ശിവപ്രസാദിനെ ഞങ്ങൾ നോട്ടമിട്ടിട്ടുണ്ട്. അവനെ ഞങ്ങൾ തെരുവിൽ നേരിടുക തന്നെ ചെയ്യും. ഞങ്ങൾ സംയമനം പാലിക്കുന്നത് നിങ്ങൾ ഇട്ടിട്ടുള്ള യൂണിഫോമിനോടുള്ള ബഹുമാനം കൊണ്ടുമാത്രമാണ്. യൂണിഫോം ഊരി തൃശൂർ അങ്ങാടിയിലിറങ്ങിയാൽ പൊന്നുമക്കളെ നിങ്ങളെ ഞങ്ങൾ അടിച്ചിരിക്കും. അതിൽ ഒരു സംശയവും വേണ്ട.'- എന്നാണ് കെ എസ് യു നേതാവ് പറയുന്നത്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: KSU, SFI, THRISSUR, POLICE
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.