ഇന്നത്തെ കാലത്ത് ഫ്രിഡ്‌ജ് ഇല്ലാത്ത വീടുകൾ കുറവായിരിക്കും. ജോലിക്ക് പോകുന്നവർക്ക് ഫ്രിഡ്‌ജ് ഇല്ലാതെ മിക്കവർക്കും ചിന്തിക്കാൻ പോലുമാവില്ല. എന്നാൽ ഈ ഒരു ഉപകരണം കാരണം വീട്ടിൽ ദോഷങ്ങളും ദാരിദ്ര്യവും ഒഴിയുന്നില്ലെങ്കിലോ? വീട്ടിലെ എല്ലാ സാധനങ്ങൾക്കും വാസ്‌തുശാസ്‌ത്രത്തിൽ നിഷ്‌കർഷിക്കുന്ന സ്ഥാനമുണ്ട്. വീട്ടിൽ ഫ്രിഡ്‌ജ് സ്ഥാപിക്കുന്നതിനും ഇത്തരത്തിൽ കൃത്യമായ ഒരു സ്ഥാനം പറയുന്നുണ്ട്.

കിഴക്കോട്ട് ദർശനമായ വീടിന് അടുക്കളയുടെ ഉത്തമസ്ഥാനം വടക്ക്- കിഴക്ക് ദിക്ക് അഥവാ ഈശാനുകോൺ ആണ്. പടിഞ്ഞാറ് ദർശനമായ വീടിന് തെക്ക്- കിഴക്ക് ദിക്ക് അഥവാ അഗ്നികോണും, വടക്ക് ദർശനമായി വരുന്ന വീടിന് വടക്ക്- പടിഞ്ഞാറ് കോൺ അഥവാ വായുകോണും തെക്ക് ദർശനമായി വരുന്ന വീടിന് തെക്ക്-കിഴക്കേ ദിക്കിലും അടുക്കള വരുന്നതാണ് ഏറ്റവും ഉത്തമം.

അടുക്കള ഉപകരണങ്ങളുടെ വാസ്‌തുശാസ്‌ത്ര പ്രകാരമുള്ള സ്ഥാനങ്ങൾ:

• അരകല്ല്, മിക്‌‌സി എന്നിവ ഉപയോഗിക്കുമ്പോൾ തെക്കോട്ടുനിന്ന് അരയ്ക്കാതിരിക്കാൻ ശ്രദ്ധിക്കണം.
• കിഴക്കോട്ട് നിന്ന് അരിയിടുന്ന രീതിയിൽ അല്ലെങ്കിൽ പടിഞ്ഞാറുനിന്ന് അരിയിടുന്ന രീതിയിലായിരിക്കണം അടുപ്പ് സ്ഥാപിക്കേണ്ടത്.
• ഫ്രിഡ്‌ജ് വയ്ക്കാൻ ഏറ്റവും ഉത്തമം അടുക്കളയുടെ കന്നിമൂലയായ പടിഞ്ഞാറ്-തെക്ക് ആണ്. ഈ സ്ഥാനം അല്ലെങ്കിൽ പടിഞ്ഞാറ്-വടക്ക്, വടക്ക്-കിഴക്ക് ദിക്ക് എന്നിവയും ഉത്തമമാണ്.
• പാചകം ചെയ്യുന്ന സ്ളാബിന് അടിയിലായി ധാന്യങ്ങൾ, വൃത്തിയാക്കാനുള്ള വസ്തുക്കൾ, ചൂല് എന്നിവ സൂക്ഷിക്കാൻ പാടില്ല.