പെൺകുട്ടിയെ തട്ടിക്കൊണ്ടുപോയ പഞ്ചായത്ത് അംഗം അറസ്റ്റിൽ

കുണ്ടറ: പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയ പഞ്ചായത്ത് അംഗം പിടിയിലായി. കൊറ്റങ്കര ഗ്രാമപഞ്ചായത്ത് 21-ാം വാർഡ് അംഗം ടി.എസ്.മണിവർണനാണ് പിടിയിലായത്. പ്ലസ് വൺ വിദ്യാർത്ഥിനിയുടെ പിതാവിന്റെ പരാതിയിലാണ് അറസ്റ്റ്.

പൊലീസ് പറയുന്നത്: സ്കൂളിൽ നാടകം പഠിപ്പിക്കാനെത്തി പരിചയപ്പെട്ട പെൺകുട്ടിയെ കഴിഞ്ഞ 24ന് വൈകിട്ട് 4.30ഓടെ വീട്ടിൽ നിന്ന് കാണാതായിരുന്നു. കുടുംബാംഗങ്ങൾ നടത്തിയ അന്വേഷണത്തിൽ മണിവർണൻ കാറിൽ കയറ്റിക്കൊണ്ട് പോയതായി കണ്ടെത്തി. തുടർന്ന് പൊലീസിൽ പരാതി നൽകുകയായിരുന്നു. മണിവർണൻ കൂട്ടികൊണ്ടുപോയി എന്ന് പെൺകുട്ടി പൊലിസിന് മൊഴിനൽകിയതോടെയാണ് അറസ്റ്റ്.