ചേട്ടന്റെ വിവാഹത്തിന് സന്തോഷത്തോടെ, കൂട്ടുകാർക്കും ബന്ധുക്കൾക്കുമൊപ്പം ആഘോഷിക്കുന്ന സഹോദരങ്ങളെ നമ്മൾ കണ്ടിട്ടുണ്ട്. എന്നാൽ മലേഷ്യയിൽ നിന്നുള്ള ഒരു കൊച്ചുകുട്ടി തന്റെ ചേട്ടന്റെ വിവാഹത്തിന് പൊട്ടിക്കരഞ്ഞെന്ന വാർത്തയാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്.

നാൽപ്പത്തിനാല് സെക്കൻഡ് ദൈർഘ്യമുള്ള വീഡിയോ ടിക്‌ടോക്കിൽ പ്രത്യക്ഷപ്പെട്ടിട്ടുണ്ട്. സഹോദരൻ വിവാഹിതനാകുകയാണെന്നും ഇനി കാര്യങ്ങൾ പഴയതുപോലെയാകില്ലെന്നുമാണ് കുട്ടിയുടെ പേടിയുടെ കാരണം.

വർഷങ്ങളായി സ്വീകരണമുറിയിൽ സഹോദരനൊപ്പമായിരുന്നു കിടന്നിരുന്നത്. ഇപ്പോൾ ചേട്ടൻ വിവാഹിതനായിരിക്കുന്നു. ഇനിയൊന്നും പഴയതുപോലെയാകില്ലെന്നാണ് കുട്ടി പറയുന്നത്. ഇതുകേട്ട് വിവാഹത്തിനെത്തിയ അതിഥികൾക്കും സങ്കടമായി. കുട്ടിയെ എങ്ങനെ ആശ്വസിപ്പിക്കുമെന്നറിയാതിരിക്കുകയായിരുന്നു അവർ. വരൻ കുഞ്ഞനിയനെ ആശ്വസിപ്പിക്കുന്നതും വീഡിയോയിലുണ്ട്.