തിരുവനന്തപുരം: ഇന്ദിരാഗാന്ധി നാഷണൽ ഓപ്പൺ യൂണിവേഴ്സിറ്റിയുടെ (ഇഗ്നോ) ജനുവരി അക്കാഡമിക് സെഷനിലേക്കുള്ള പ്രവേശനം 20വരെ നീട്ടി. എം.ബി.എ, എം.ബി.എ (ബാങ്കിംഗ് ആൻഡ് ഫിനാൻസ് ), എം.എസ് സി ഫിസിക്സ്, കെമിസ്ട്രി, റൂറൽ ഡെവലപ്മെന്റ്, കമ്പ്യൂട്ടർ ആപ്ലിക്കേഷൻ, ടൂറിസം സ്റ്റഡീസ്, ഇംഗ്ലീഷ്, ഹിന്ദി, ഫിലോസഫി, ഗാന്ധി ആൻഡ് പീസ് സ്റ്റഡീസ്, എഡ്യൂക്കേഷൻ, പബ്ലിക് അഡ്മിനിസ്ട്രേഷൻ, ഇക്കണോമിക്സ്, ഹിസ്റ്ററി, പൊളിറ്റിക്കൽ സയൻസ്, സോഷ്യോളജി, സൈക്കോളജി, അഡൾട്ട് എജ്യുക്കേഷൻ, ഡെവലപ്മെന്റ് സ്റ്റഡീസ്, ജെൻഡർ ആൻഡ് ഡെവലപ്മെന്റ് സ്റ്റഡീസ്, ഡിസ്റ്റൻസ് എജ്യുക്കേഷൻ, ആന്ത്റപ്പോളജി, കൊമേഴ്സ്, സോഷ്യൽ വർക്ക്, ഡയറ്റെറ്റിക്സ് ആൻഡ് ഫുഡ് സർവീസ് മാനേജ്മെന്റ്, കൗൺസലിംഗ് ആൻഡ് ഫാമിലി തെറാപ്പി, ലൈബ്രറി ആൻഡ് ഇൻഫർമേഷൻ സയൻസ്, ജേണലിസം ആൻഡ് മാസ് കമ്മ്യൂണിക്കേഷൻ, എൻവയൺമെന്റൽ സ്റ്റഡീസ് തുടങ്ങി വിവിധ വിഷയങ്ങളിൽ ബിരുദ, ബിരുദാനന്തരബിരുദ, പി. ജി ഡിപ്ലോമ, ഡിപ്ലോമ, സർട്ടിഫിക്കറ്റ് കോഴ്സുകളാണുള്ളത്. https://ignouadmission.samarth.edu.in/ ലാണ് അപേക്ഷിക്കേണ്ടത്. ഫോൺ: 04712344113, 2344120, 9447044132. ഇ-മെയിൽ rctrivandrum@ignou.ac.in
സഫയർ ക്രാഷ് കോഴ്സ്
തിരുവനന്തപുരം: സഫയർ ക്രാഷ് കോഴ്സ് സി.ബി.എസ്.ഇ(മെഡിക്കൽ/ കമ്പൈൻഡ്) ബാച്ച് 20നും ഐ.എസ്.സി(മെഡിക്കൽ/ കമ്പൈൻഡ്), സ്റ്റേറ്റ്(എൻജിനിയറിംഗ്, മെഡിക്കൽ, കമ്പൈൻഡ്) ബാച്ചുകൾ 24നും ആരംഭിക്കും. പ്ലസ് വൺ(മെഡിക്കൽ, എൻജിനിയറിംഗ്, കമ്പൈൻഡ്) ഏപ്രിൽ 3നും എഫ്.ഇ.ഒ ബാച്ച് ഏപ്രിൽ 21നും ആരംഭിക്കും. പ്ലസ്ടു സി.ബി.എസ്.ഇ, കെ.വി ബാച്ചുകൾ 24നും എസ്.ഇ.ഒ ബാച്ച് 31നും സ്റ്റേറ്റ് ബാച്ച് ഏപ്രിൽ 3നും ആരംഭിക്കും. പത്താംക്ലാസ് വിദ്യാർത്ഥികൾക്കുള്ള രണ്ടുവർഷ ഇന്റഗ്രേറ്റഡ് സ്കൂൾ ഗോയിംഗ് പ്രോഗ്രാമായ സെനിത് ബാച്ച് 2024-26ലേക്കുള്ള ട്യൂഷനും എൻട്രൻസ് പ്ലസ്വൺ ബാച്ചും ഏപ്രിൽ 11ന് തുടങ്ങും. 8 മുതൽ 10 വരെ ക്ലാസുകളിലേയ്ക്കുള്ള ഫൗണ്ടേഷൻ പ്രോഗ്രാമിന്റെ ആദ്യ ബാച്ച് ഏപ്രിൽ 21ന് ആരംഭിക്കും. മെഡിക്കൽ, ജെ.ഇ.ഇ റിപ്പീറ്റേഴ്സ് ആദ്യ ബാച്ച് മേയ് 8ന് തുടങ്ങും. റിപ്പീറ്റേഴ്സ് , റീ-റിപ്പീറ്റേഴ്സ്, സ്കൂൾ ഗോയിംഗ് വിദ്യാർത്ഥികൾക്കായി നീറ്റ്,ജെ.ഇ.ഇ എക്സാം പാറ്റേൺ അനുസരിച്ച് പ്രത്യേകം തയാറാക്കിയ സഫയർ മോക്ക് ടെസ്റ്റ് സീരിസിലേക്ക് അഡ്മിഷൻ തുടരുന്നു. 1000 രൂപ മുതലുള്ള എക്സാം പാക്കേജുകൾ ലഭ്യമാണ്. അഡ്മിഷനും വിവരങ്ങൾക്കും തിരുവനന്തപുരം 9645474080, ആറ്റിങ്ങൽ 9048473040, നെയ്യാറ്റിൻകര 7034243020
കെ. ആർ. നാരായണൻ ഇൻസ്റ്റിറ്റ്യൂട്ടിൽ
6 ഡിപ്ലോമയിൽ പ്രവേശനം
തിരുവനന്തപുരം: കെ.ആർ.നാരായണൻ നാഷണൽ ഇൻസ്റ്റിറ്റ്യൂട്ട് ഒഫ് വിഷ്വൽ സയൻസ് ആൻഡ് ആർട്സിൽ ഈ അദ്ധ്യയന വർഷത്തെ കോഴ്സുകൾ ജൂണിൽ ആരംഭിക്കുമെന്ന് മന്ത്രി ഡോ. ആർ. ബിന്ദു പറഞ്ഞു. ആറു വിഷയങ്ങളിലാണ് മൂന്നുവർഷ പി.ജി ഡിപ്ലോമ കോഴ്സുകൾ. സ്ക്രിപ്റ്റ് റൈറ്റിംഗും സംവിധാനവും, ഛായാഗ്രഹണം, എഡിറ്റിംഗ്, ഓഡിയോഗ്രഫി, അഭിനയം, ആനിമേഷൻ ആൻഡ് വിഷ്വൽ ഇഫക്റ്റ്സ് എന്നീ വിഷയങ്ങളിലാണ് കോഴ്സുകൾ.
ലാബ് അറ്റൻഡേഴ്സ്
ടെസ്റ്റിൽ നിന്ന് ഒഴിവാക്കി
തിരുവനന്തപുരം: ഹയർ സെക്കൻഡറിയിലെ 50 വയസ് കഴിഞ്ഞ ലാബ് അസിസ്റ്റന്റുമാരെയും വിശേഷാൽ ചട്ടത്തിനുമുമ്പ് നിയമിതരായ ലാബ് അസിസ്റ്റന്റുമാരെയും വിരമിച്ചവരെയും ലാബ് അറ്റൻഡേഴ്സ് ടെസ്റ്റ് പാസാകുന്നതിൽ നിന്നൊഴിവാക്കി. പൊതുവിദ്യാഭ്യാസ വകുപ്പ് ഉത്തരവ് പുറപ്പെടുവിച്ചു.
ഇതിനകം വിരമിച്ച, ലബോറട്ടറി അറ്റൻഡേഴ്സ് ടെസ്റ്റ് പാസ്സാകാത്ത ലാബ് അസ്സിസ്റ്റന്റുമാർക്ക് ഇൻക്രിമെന്റ്ര്, ഗ്രേഡ്, പെൻഷൻ ആനുകൂല്യങ്ങൾ കണക്കാക്കാൻ ബുദ്ധിമുട്ട് നേരിട്ടിരുന്നു. അവർ പ്രൊബേഷൻ പൂർത്തീകരിച്ചെങ്കിൽ, തുടർ ഇൻക്രിമെന്റുകൾ അനുവദിക്കാൻ ടെസ്റ്റ് പാസ്സാവുന്നതിൽ നിന്നൊഴിവാക്കി.
ഹയർ സെക്കൻഡറി സബോർഡിനേറ്റ് വിശേഷാൽ ചട്ടം ആധാരമാക്കി 2021 ഏപ്രിൽ 16 മുതലാണ് ലാബ് അസ്സിസ്റ്റന്റിന് പി. എസ്. സിയുടെ ലബോറട്ടറി അറ്റൻഡേഴ്സ് ടെസ്റ്റ് യോഗ്യത നിർബന്ധമാക്കിയത്.
സപ്ലിമെന്ററി പരീക്ഷ
തിരുവനന്തപുരം: തിരുവനന്തപുരം ഗവ. ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ ഏപ്രിലിൽ നടക്കുന്ന സപ്ലിമെന്ററി പരീക്ഷ എഴുതാനുള്ളവർ 15ന് ഓഫീസുമായി ബന്ധപ്പെടണം. പരീക്ഷാ ഫീസ് പിഴ കൂടാതെ അടയ്ക്കേണ്ട അവസാന തീയതി 23. ഫോൺ: 0471 2728340.
ക്യാറ്റ് 2024: ഓൺലൈൻ രജിസ്ട്രേഷൻ
കൊച്ചി: കൊച്ചി ശാസ്ത്ര സാങ്കേതിക സർവകലാശാലയുടെ 2024-25 അദ്ധ്യയന വർഷത്തേക്കുള്ള വിവിധ അക്കാഡമിക് പ്രോഗ്രാമുകളിലേക്കുള്ള (ബിരുദ, ബിരുദാനന്തര പ്രോഗ്രാമുകൾ) പ്രവേശനത്തിനായി ക്യാറ്റ്- 2024 ഓൺലൈൻ രജിസ്ട്രേഷനുള്ള അവസാനതീയതി 15 ആണ്.
എം.ബി.എ പ്രോഗ്രാമുകളുടെ പ്രവേശനത്തിനുള്ള രജിസ്ട്രേഷൻ അവസാനതീയതി ഏപ്രിൽ 30. എം.ടെക്, പിഎച്ച്.ഡി പ്രോഗ്രാമുകളുടെ രജിസ്ട്രേഷൻ അവസാനതീയതി മേയ് 31. കൂടുതൽ വിവരങ്ങൾക്ക് admissions.cusat.ac.in ഫോൺ: 0484-2577100.
ആർ.സി.സിയിൽ ഫിസിയോതെറാപ്പിസ്റ്റ്
തിരുവനന്തപുരം :റീജിയണൽ കാൻസർ സെന്ററിൽ കരാറടിസ്ഥാനത്തിൽ ഫിസിയോതെറാപ്പിസ്റ്റിനെ നിയമിക്കുന്നതിന് 19ന് വാക്ക് ഇൻ ഇന്റർവ്യൂ നടത്തും. വിശദവിവരങ്ങൾക്ക് : www.rcctvm.gov.in.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |