കാൻബെറ: വിദേശ വിദ്യാർത്ഥികൾക്കായുള്ള പുതുക്കിയ കർശന മാനദണ്ഡങ്ങൾ ഓസ്ട്രേലിയയിൽ പ്രാബല്യത്തിൽ. രാജ്യത്തേക്കുള്ള കുടിയേറ്റം കുത്തനെ ഉയർന്ന പശ്ചാത്തലത്തിലാണ് നീക്കം. വിദ്യാഭ്യാസത്തിനെന്ന പേരിലെത്തി തൊഴിൽ തേടുന്നവരുടെ എണ്ണവും ഉയർന്നതായി അധികൃതർ പറയുന്നു. കുടിയേറ്റം കൂടിയതോടെ വീടുകളുടെ വാടകയും കുതിച്ചുയർന്നു. പുതുക്കിയ മാനദണ്ഡങ്ങളിൽ ചിലത് ചുവടെ:

 ഉയർന്ന ഇംഗ്ലീഷ് ഭാഷാ പ്രാവണ്യം

 തുടർച്ചയായി നിയമങ്ങൾ ലംഘിക്കുന്ന ഏജൻസികളെ വിദേശ വിദ്യാർത്ഥികളെ റിക്രൂട്ട് ചെയ്യുന്നതിൽ നിന്ന് വിലക്കും

 സ്റ്റുഡന്റ് വിസയിൽ എത്തുന്നവർ കാലാവധി പൂർത്തിയായാൽ രാജ്യം വിടണം. ഇതിന് ശേഷമേ വർക്ക് / പെർമനന്റ് റെസിഡൻസി വിസയ്ക്ക് അപേക്ഷിക്കാനാകൂ

 വിദേശ വിദ്യാർത്ഥികളുടെ ജോലി സമയത്തിന് പരിധി നിശ്ചയിക്കും

----------------------

 5,67,000 - 2024 ജനുവരിൽ ഓസ്ട്രേലിയയിലെ വിദേശ വിദ്യാർത്ഥികളുടെ എണ്ണം

 97,152 - ഇന്ത്യൻ വിദ്യാർത്ഥികൾ

 വിദേശ വിദ്യാർത്ഥികളിൽ മുന്നിൽ - ഏഷ്യൻ രാജ്യങ്ങൾ (ചൈന, ഇന്ത്യ, നേപ്പാൾ, ഫിലിപ്പീൻസ്, വിയറ്റ്നാം)