ന്യൂഡൽഹി: വാരാണസിയിൽ നാമനിർദ്ദേശപത്രിക സമർപ്പിക്കുന്ന അവസാന തീയതി നീട്ടണമെന്ന തമിഴ്നാട്ടിലെ കർഷക നേതാവ് പി. അയ്യാകണ്ണിന്റെ ആവശ്യം സുപ്രീംകോടതി തള്ളി. തമിഴ്നാട്, കേരളം, കർണാടക എന്നിവിടങ്ങളിലാണ് അയ്യാകണ്ണ് പ്രവർത്തിക്കുന്നത്. എന്തുകൊണ്ടാണ് വാരാണസിയിൽ തന്നെ മത്സരിക്കണമെന്ന് ആവശ്യപ്പെടുന്നത്.

വാരാണസിയിൽ ഒരു ദിവസം പോലും പ്രവർത്തിച്ചിട്ടില്ല. അവിടുത്തെ ജനങ്ങൾ അയ്യാകണ്ണിന് എന്തിന് വോട്ടുചെയ്യണം. തമിഴ്നാട്ടിൽ മത്സരിക്കാത്തത് എന്തെന്നും ജസ്റ്രിസ് വിക്രംനാഥ് അദ്ധ്യക്ഷനായ ബെഞ്ച് ചോദിച്ചു. പ്രശസ്തിക്കായുള്ള ഹർജിയെന്നും കൂട്ടിച്ചേർത്തു. പ്രധാനമന്ത്രി നരേന്ദ്രമോദി മത്സരിക്കുന്നത് വാരാണസിലാണ്. മേയ് 14 ആയിരുന്നു പത്രിക സമർപ്പിക്കാനുള്ള അവസാന തീയതി.