റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com

2024 മെയ് 23 1199 ഇടവം 9 വ്യാഴാഴ്ച.

(പുലർന്ന ശേഷം 9 മണി 14 മിനിറ്റ് 10 സെക്കന്റ് വരെ വിശാഖം നക്ഷത്രം ശേഷം അനിഴം നക്ഷത്രം, പൗർണമി)

അശ്വതി: കുടുംബത്തിൽ കലഹത്തിന് സാദ്ധ്യത മുൻകൈയെടുത്ത് പ്രശ്നനങ്ങൾക്ക് പരിഹാരം കാണുക.
മറ്റുള്ളവർക്ക് വേണ്ടി ഇഷ്ടമല്ലാത്ത പ്രവർത്തികൾ ചെയ്യേണ്ടിവരും, പരാശ്രയത്വം.

ഭരണി: സ്വയം വിമർശനത്തിന് തയ്യാറായി സ്വഭാവത്തിൽ തിരുത്തലുകൾ വരുത്തുകയാണെങ്കിൽ ഒരു പരിധി വരെ പ്രശ്നങ്ങൾ ഒഴിവാക്കാനാകും. കലഹം ഉണ്ടാകാതെ നോക്കണം,നല്ല ക്ഷമയോടെ കാര്യങ്ങൾ നോക്കിക്കാണണം.

കാർത്തിക: മേലുദ്യോഗസ്ഥരുടെ പെരുമാറ്റം കാരണം അസ്വസ്ഥതകൾ ഉണ്ടാക്കും. കോപം നിയന്ത്രിക്കണം, യാത്ര കൊണ്ട് ഗുണം ലഭിക്കില്ല. വിദ്യാർത്ഥികൾക്ക് പഠനത്തിൽ ചില തടസങ്ങൾ ഉണ്ടാകും.

രോഹിണി: രേഖകൾ കൈകാര്യം ചെയ്യുമ്പോൾ ശ്രദ്ധ ആവശ്യമാണ്. എഴുത്തുകളിൽ അപകടകരമായ യാതൊന്നും കടന്നു കൂടാതിരിക്കാൻ ജാഗ്രത പുലർത്തണം. പ്രണയകാര്യങ്ങളിൽ ദുഃഖം.

മകയിരം: ധനം സമ്പാദിക്കാൻ ഉള്ള മാർഗ്ഗങ്ങൾ മെച്ചപ്പെടുത്താൻ ശ്രമിക്കണം, മാതൃ‌ഗുണം, അന്യദേശ യാത്രക്ക് അനുമതി ലഭിക്കും, ആരോഗ്യ നില തൃപ്തികരം.

തിരുവാതിര: വിദേശയാത്രകൾ ഗുണകരമാകും, തടസങ്ങൾ മാറും. അന്യരെ സഹായിക്കാനുള്ള മനസ്സ് കാണിക്കും,വരുമാനത്തിൽ വർദ്ധനവ്, ആത്മവിശ്വാസം വർദ്ധിക്കും.

പുണർതം: കച്ചവട സ്ഥാപനത്തിലെ തർക്കങ്ങൾ പരിഹരിക്കപ്പെടും. പ്രശ്നങ്ങൾക്ക് പരിഹാരം ഉണ്ടാകും,
എല്ലാവരും പ്രീതികരമായ രീതിയിൽ പെരുമാറും,വിവാഹാലോചനകൾ തീരുമാനത്തിലെത്തും.

പൂയം: സുഖപ്രദമായ കുടുംബജീവിതം.ശാരീരികമായി വളരെയധികം സുഖാനുഭവങ്ങൾ. വിദ്യാർത്ഥികൾക്ക് അനുകൂല സമയം, ആരോഗ്യമായി നല്ല സമയം. മേലുദ്യോഗസ്ഥരുടെ പ്രശംസയ്ക്ക് അർഹനാകും.

ആയില്യം: ഏറ്റെടുത്ത ഉത്തരവാദിത്വങ്ങൾ അഭിമാനത്തോടുകൂടി ചെയ്തു തീർക്കും, വിദേശത്ത് ജോലി ചെയ്യുന്നവർക്ക് നല്ലസമയം,വളരെക്കാലമായി കൊണ്ടുനടന്ന ആഗ്രഹങ്ങൾ സഫലമാകും.

മകം: ചതിവ് പറ്റുക, അബദ്ധങ്ങളിൽ ചാടുക തുടങ്ങിയവ സംഭവിക്കാം, ശ്രദ്ധാപൂർവ്വം ജോലി നിർവ്വഹിച്ചില്ലങ്കിൽ തൊഴിൽ നഷ്ടം സംഭവിക്കും. മുൻകാലങ്ങളിൽ ഉണ്ടായിരുന്ന ബന്ധങ്ങൾ തലവേദനയാവും.

പൂരം: സ്ത്രീകൾക്ക് സാമ്പത്തിക നേട്ടം ഉണ്ടാവുന്ന സംഗതികൾ വന്ന് ഭവിക്കും, ദൂരദേശ യാത്രകൾക്ക് സാദ്ധ്യത, ബിസിനസ്സിൽ നിന്നും മികച്ച നേട്ടം, കുടുംബത്തിൽ ഐശ്വര്യവും സമാധാനവും.

ഉത്രം: കച്ചവട താല്പര്യം വർദ്ധിപ്പിക്കാൻ സാധിക്കും. നഷ്ടപ്പെട്ട അധികാര പദവിയിൽ തിരികെ എത്താൻ സാധിക്കും, അംഗീകാരവും, യാത്രാഗുണം, താൽക്കാലിക ജോലി സ്ഥിരമാകും, പ്രശസ്‌തിയും വിജയവും.

അത്തം: സന്താനത്തിന് ഉണ്ടാകുന്ന സാമ്പത്തിക ബാദ്ധ്യത തീർക്കേണ്ടി വരും, സ്ത്രീകൾക്ക് കർമ്മരംഗത്ത് അലസതയും മടിയും അനുഭവപ്പെടും, രോഗങ്ങൾ കൊണ്ടുള്ള ധനചെലവ്, ആഹാരം കഴിക്കാൻ സാധിക്കാത്ത രീതിയിൽ പ്രശ്നങ്ങൾ.

ചിത്തിര: ജോലിയിൽ അനുകൂലമായ മാറ്റം പ്രതീക്ഷിക്കാം,കുടുംബത്തിൽ സമാധാനം. വ്യക്തിജീവിതത്തിൽ സ്ത്രീകൾ മൂലം സുഖവും സമാധാനവും,ദൈവീക ചിന്ത ഉടലെടുക്കും.

ചോതി: ക്ഷമ നല്ല ജീവിതത്തിനുള്ള ഒറ്റമൂലിയാണെന്ന് തിരിച്ചറിയുക, സാമ്പത്തികമായി ദിനം അനുഗൃഹീതമാകും. ധനകാര്യ സ്ഥാപനത്തിൽ നിന്നുള്ള വായ്പ തടസ്സം മാറി കിട്ടും. യാത്രയിൽ നേട്ടം.

വിശാഖം: പ്രയത്നത്തിനു തക്കവണ്ണം സാമ്പത്തിക ലാഭം,സഹോദരഗുണം.പലവിധത്തിലും ഉണ്ടായിരുന്ന വിഷമാനുഭവങ്ങൾക്ക് ശമനം.

അനിഴം: പരീക്ഷകൾക്ക് തയ്യാറെടുക്കുന്നവർക്ക് അനുകൂല ഫലം ലഭിക്കും. വിദ്യാപരമായ മുന്നേറ്റം. വിദേശാനുകൂല്യം, പ്രണയത്തിൽ അകപ്പെടാം, കാര്യങ്ങൾ തങ്ങൾക്ക് അനുകൂലമാക്കും.

കേട്ട: രക്ഷിതാക്കൾ കുട്ടികളുടെ വിദ്യാഭ്യാസ കാര്യങ്ങൾക്കായി ധാരാളം പണം ചെലവഴിക്കേണ്ടി വരും.
ഉന്നതരിൽ നിന്നും വിഷമകരമായ സംസാരവും പ്രവർത്തികളും നേരിടും,ധനച്ചെലവ്, ദൂരയാത്രാക്ലേശം.

മൂലം: പ്രചോദനം നൽകുന്ന വ്യക്തികളുമായി ആശയ വിനിമയം നടത്തുക.എതിർപ്പുകളെ അതിജീവിക്കാൻ സാധിക്കും.വിദ്യാഭ്യാസ രംഗത്തും നേട്ടം, കുടുംബത്തിൽ സമാധാനം.

പൂരാടം: വിപരീത സാഹചര്യത്തിലും നേട്ടമുണ്ടാക്കാൻ കഴിയും. സാമ്പത്തികനില കരുത്താർജ്ജിക്കും.
കുടുംബ സുഖം.പുതിയ അവസരങ്ങൾ തൊഴിലിലും കലാരംഗത്തും, വിജയവും അംഗീകാരവും, യാത്രാഗുണം.

ഉത്രാടം: ജീവിതത്തിൽ പലവിധത്തിലും ഉള്ള പുരോഗതി,മാതാവിന് രോഗശാന്തി,സമ്മാനങ്ങൾ കിട്ടും. തീരുമാനങ്ങൾ എടുക്കുന്നതിന് മുൻപ് മാതാപിതാക്കളുടെ അഭിപ്രായം തേടുന്നത് നല്ല ഫലം തരും.

തിരുവോണം: വിവാഹബന്ധത്തിൽ ആവശ്യമില്ലാത്ത തെറ്റിദ്ധാരണകൾ ഉണ്ടാകും. കൃത്യമായി പദ്ധതി തയ്യാറാക്കിയ ശേഷം മാത്രം യാത്രയ്‌ക്കൊരുങ്ങുക. കുടുംബ കലഹം, മാറ്റങ്ങൾ പ്രതീക്ഷിക്കാം, യാത്രകൊണ്ട് ഗുണം കിട്ടില്ല.

അവിട്ടം: ജീവിതം ചില പ്രതിസന്ധി ഘട്ടത്തിലൂടെ കടന്നു പോകുന്ന സമയം ആണ്, ജോലി സമ്മർദ്ദം കാരണം രക്തസമ്മർദ്ദ നില അസ്ഥിരമാകും.എല്ലാ രംഗങ്ങളിൽ നിന്നും സാമ്പത്തിക നേട്ടം പ്രതീക്ഷിക്കാം.

ചതയം: ജോലിസ്ഥലത്ത് അനുകൂലമായ മാറ്റങ്ങൾ പ്രതീക്ഷിക്കാം, കലാകാരന്മാർക്ക് പുതിയ അവസരങ്ങൾ,
വിദ്യാഗുണം, പുതിയ അറിവുകൾ സമ്പാദിക്കും, ബിസിനസ്സിൽ നേട്ടം.

പൂരുരുട്ടാതി: സംസാരത്തിൽ ലാളിത്യവും പെരുമാറ്റത്തിൽ സൗമ്യതയും പാലിക്കണം, സൽകർമ്മങ്ങളിൽ കൂടുതൽ താല്പര്യമുണ്ടാകും. ശത്രുക്കളുടെ തന്ത്രങ്ങളെ പരാജയപ്പെടുത്തും, ഉന്നതരിൽ നിന്നും സഹായങ്ങൾ കിട്ടും.

ഉത്തൃട്ടാതി: സന്തോഷമുണ്ടാക്കുന്ന വാർത്തകൾ കേൾക്കാൻ ഇടവരും, ബന്ധുക്കളുടെ എതിർപ്പുകളെ അതിജീവിക്കാൻ സാധിക്കും. ബാദ്ധ്യതകൾ തീർക്കും, കുടുംബത്തിൽ മംഗളകർമ്മങ്ങൾ നടക്കും.

രേവതി: കച്ചവടക്കാർക്ക് കൊടുക്കൽ വാങ്ങലിൽ നിന്ന് നല്ല ലാഭം കിട്ടും, മക്കളുടെ വിദ്യാഭ്യാസകാര്യങ്ങൾ സ്വന്തം പ്രതീക്ഷയ്‌ക്കൊത്ത് ഉയരും,ധനപരമായ കാര്യങ്ങളിൽ വിജയം, അഭിമാനകരമായ സംഗതികൾ സംഭവിക്കും.