ഈ നാളുകാർക്ക് ആഗ്രഹിച്ച ജോലി ലഭിക്കും, വിവാഹ കാര്യങ്ങൾക്ക് അനുകൂല സമയം

അശ്വതി: സ്ഥാനമാനങ്ങളും ആനുകൂല്യങ്ങളും കൂടുതലുള്ള ജോലി ലഭിക്കും. വിദേശയാത്രയ്ക്ക് അനുകൂല സമയം. സുഹൃദ്ബന്ധങ്ങൾ ഗുണം ചെയ്യും. മെച്ചപ്പെട്ട പഠന സാഹചര്യങ്ങളുണ്ടാകും. ആമാശയ സംബന്ധമായ രോഗങ്ങൾക്ക് സാദ്ധ്യത. ശത്രുക്കൾ മിത്രങ്ങളാകും. ഭാഗ്യദിനം: ബുധൻ.

ഭരണി: സാമ്പത്തികരംഗത്ത് അഭിവൃദ്ധിയുണ്ടാകും. അടുത്ത ബന്ധുക്കളിൽ നിന്ന് അപ്രതീക്ഷിതമായി സഹായം ലഭിക്കും. കുടുംബാംഗങ്ങൾ ഒത്തുചേരും. കാർഷിക രംഗത്തുള്ളവർക്ക് സർക്കാർ ആനുകൂല്യങ്ങൾ ലഭിക്കും. വീട്ടിൽ മംഗളകർമ്മങ്ങൾ നടക്കും. ഭാഗ്യദിനം: ഞായർ.

കാർത്തിക: ഐ.ടി രംഗത്ത് പ്രവർത്തിക്കുന്നവർക്ക് വിദേശത്ത് മികച്ച അവസരങ്ങളുണ്ടാകും. പൊതുപ്രവർത്തകർക്ക് അനുകൂലമാണ്. എതിരഭിപ്രായങ്ങളും തടസങ്ങളും കുറയും. കുടുംബത്തിൽ അസ്വാരസ്യങ്ങൾ ഉണ്ടാകാനിടയുണ്ട്. ഭാഗ്യദിനം: വെള്ളി.

രോഹിണി: വിദ്യാർത്ഥികൾ ഉന്നതവിജയം നേടും. പുതിയ സംരംഭങ്ങൾ തുടങ്ങും. കൂട്ടുകച്ചവടത്തിൽ ഏർപ്പെടുന്നത് ശുഭകരമല്ല. മാദ്ധ്യമരംഗത്തുള്ളവർ വിമർശനങ്ങളെ നേരിടേണ്ടിവരും. ശമ്പളവർദ്ധന പ്രാബല്യത്തിൽ വരും. ഭാഗ്യദിനം: വ്യാഴം.

മകയിരം: നാണ്യവിളകളിൽ നിന്ന് നേട്ടമുണ്ടാകും. വിദേശ വിദ്യാഭ്യാസത്തിന് ശ്രമിക്കുന്നവർക്ക് അനുകൂല സമയം. ആഗ്രഹിക്കുന്ന വിവാഹം നടക്കും. മക്കളുടെ കാര്യത്തിൽ കൂടുതൽ ജാഗ്രത പുലർത്തണം. ജോലിയിൽ അനുകൂല സാഹചര്യമുണ്ടാകും. ഭാഗ്യദിനം: ശനി.

തിരുവാതിര: ഭൂമി വാങ്ങാനും വിൽക്കാനും പറ്റിയ സമയം. കർമ്മരംഗത്ത് ഉണർന്നു പ്രവർത്തിക്കും. മക്കൾക്ക് അംഗീകാരങ്ങൾ ലഭിക്കും. ജീവിത പങ്കാളിയുമായുള്ള അഭിപ്രായ ഭിന്നതയ്ക്ക് അറുതിവരും. പുതിയ വരുമാന മാർഗങ്ങളുണ്ടാകും. ഭാഗ്യദിനം: തിങ്കൾ.

പുണർതം: വീട്ടുകാരുമൊന്നിച്ച് ദൂരയാത്ര നടത്തും. കൂട്ടുകച്ചവടത്തിൽ ഏർപ്പെട്ടിരിക്കുന്നവർക്ക് ശുഭകരമല്ല. അദ്ധ്യാപന രംഗത്തുള്ളവർക്ക് അഭിമാനിക്കാൻ അവസരമുണ്ടാകും. വിദേശയാത്രയ്ക്ക് ശ്രമിക്കുന്നവർക്ക് സമയം ഉചിതമല്ല. ഭാഗ്യദിനം: വെള്ളി

പൂയം: ഉന്നതവ്യക്തികളുമായി നല്ല ബന്ധം പുലർത്തും. വ്യവസായത്തിൽ പുരോഗതിയുണ്ടാകും. സർക്കാർ ആനുകൂല്യങ്ങൾ ലഭിക്കും. സാഹിത്യരംഗത്ത് പുരസ്‌കാരങ്ങൾ ലഭിക്കും. ആരാധനാലയങ്ങൾ സന്ദർശിക്കും. ഭാഗ്യദിനം: വ്യാഴം

ആയില്യം: വ്യവഹാരങ്ങളിൽ വിജയം. റിയൽ എസ്റ്റേറ്റുമായി ബന്ധപ്പെട്ടവർക്ക് നല്ല സമയം. പുതിയവാഹനം വാങ്ങാൻ യോഗം. വിദേശ ജോലിയിലുള്ളവർക്ക് തൊഴിൽ തടസം നേരിടും. കാലി വളർത്തുന്നവർക്ക് അപ്രതീക്ഷിത നഷ്ട സാദ്ധ്യത. ഭാഗ്യദിനം: ശനി.

മകം: ഉന്നത വിദ്യാഭ്യാസത്തിനായി വിദേശയാത്രയ്ക്ക് സാദ്ധ്യത. കാർഷിക മേഖലയിൽ വ്യാപാരികൾക്ക് സാമ്പത്തിക നേട്ടമുണ്ടാകും. പാർട്ട്ണർഷിപ്പ് ബിസിനസിൽ ഏർപ്പെട്ടവർക്ക് അത്ര നല്ല സമയമല്ല. ബന്ധുക്കൾ ശത്രുക്കളായി മാറാനിടയുണ്ട്. ഭാഗ്യദിനം: ചൊവ്വ.

പൂരം: കുടുംബത്തിൽ മംഗളകാര്യങ്ങൾ നടക്കും. മുടങ്ങിക്കിടന്ന ഗൃഹനിർമ്മാണം പുനരാരംഭിക്കും. പഴയ വാഹനം മാറ്റി വാങ്ങും. സുഹൃത്തുക്കളുമായി കലഹമുണ്ടാകാതെ ശ്രദ്ധിക്കണം. പുതിയ തീരുമാനങ്ങൾ ഗുണം ചെയ്യും. ഭാഗ്യദിനം: ഞായർ.

ഉത്രം: സാമ്പത്തിക രംഗത്ത് അപ്രതീക്ഷിത നേട്ടം. കലാരംഗത്തുള്ളവർക്ക് ജോലിഭാരം വർദ്ധിക്കും. നാണ്യവിളകളിൽ നിന്ന് നഷ്ടം നേരിടും. സന്താനഭാഗ്യമുണ്ടാകും. ബന്ധുജന സമാഗമം ഉണ്ടാകും. മുൻകാല സുഹൃ ത്തുക്കളെ കണ്ടുമുട്ടാനിടവരും. ഭാഗ്യദിനം: ശനി.

അത്തം: നഷ്ടപ്പെട്ടെന്നു കരുതിയ പണം തിരികെ ലഭിക്കും. വ്യവസായരംഗത്ത് പുരോഗതി. സർക്കാർ ഉദ്യോഗസ്ഥർക്ക് സ്ഥാനക്കയറ്റത്തിനും സ്ഥലംമാറ്റത്തിനും സാദ്ധ്യത. പ്രതീക്ഷിച്ച രീതിയിൽ വിജയിക്കാത്തതിൽ മന:ക്ലേശമുണ്ടാകും. ഭാഗ്യപരീക്ഷണങ്ങൾ വിജയിക്കും. ഭാഗ്യദിനം: ബുധൻ.

ചിത്തിര: ഉദ്യോഗാർത്ഥികൾക്ക് ജോലി ലഭിക്കും. കായിക രംഗത്ത് അംഗീകാരം ലഭിക്കും. വിദ്യാർത്ഥികൾ ഉന്നത പഠനത്തിനു ചേരും. അടുത്ത സുഹൃത്തുക്കളുമായി കലഹത്തിന് സാദ്ധ്യത. വലിയ ഉത്തരവാദിത്വങ്ങൾ ഏറ്റെടുക്കും. ഭാഗ്യദിനം: ഞായർ.

ചോതി: ആശ്രിത നിയമനം ലഭിക്കാനിടയുണ്ട്. പ്രതീക്ഷിക്കാതെ ദുഷ്പ്പേരു കേൾക്കാൻ സാദ്ധ്യത. എടുത്തുചാട്ടം നിയന്ത്രിക്കണം. സർക്കാർ സഹായം ലഭിക്കും. വീട് പുതുക്കിപ്പണിയും. മാനസിക സംഘർഷം കുറയും. ഭാഗ്യദിനം: തിങ്കൾ.

വിശാഖം: രാഷ്ട്രീയ രംഗത്തുള്ളവർക്ക് ആഹ്ലാദത്തിന് അവസരം. പശുവളർത്തലിൽ നിന്ന് ലാഭമുണ്ടാകും. ഗൃഹനിർമ്മാണ മേഖലയിലുള്ളവർക്ക് സാമ്പത്തിക നഷ്ടത്തിന് സാദ്ധ്യത. സാംക്രമിക രോഗങ്ങൾ വരാനിടയുണ്ട്. സന്താനങ്ങളുടെ പ്രയാസങ്ങൾ മാറും. ഭാഗ്യദിനം: വ്യാഴം.

അനിഴം: വിവാഹ കാര്യങ്ങൾക്ക് അനുകൂല സമയം. വിദേശയാത്ര പോകാനിടയാകും. എഴുത്തുകാർക്കും മാദ്ധ്യമപ്രവർത്തകർക്കും നല്ലസമയം. മേലുദ്യോഗസ്ഥരുടെ അപ്രീതിക്ക് പാത്രമായേക്കും. കഠിനാദ്ധ്വാനത്തിലൂടെ കാർഷിക മേഖലയിൽ വിജയം. ഭാഗ്യദിനം: ഞായർ.

തൃക്കേട്ട: വിദേശത്തുള്ളവർക്ക് നാട്ടിൽ പുതിയ സംരംഭം തുടങ്ങാൻ അവസരം. ഐ.ടി മേഖലയിലുള്ളവർക്ക് കഠിനാദ്ധ്വാനം ചെയ്യേണ്ടി വരും. വിദ്യാർത്ഥികൾക്ക് പ്രതീക്ഷിച്ച വിജയം കൈവരിക്കാനാകും. പുനർവിവാഹത്തിന് അനുകൂല സമയം. ഭാഗ്യദിനം: ചൊവ്വ

മൂലം: ബിസിനസ് സ്ഥാപനത്തിൽ പുതിയ നിയമനങ്ങൾ നടത്തും. ഗൃഹനിർമ്മാണം പൂർത്തിയാക്കും. ചിട്ടയില്ലാത്ത ഭക്ഷണ ക്രമം കാരണം അസ്വസ്ഥതയുണ്ടാക്കും. സാഹിത്യരംഗത്ത് പ്രവർത്തിക്കുന്നവർ പ്രശംസിക്കപ്പെടും. ഭാഗ്യദിനം: വ്യാഴം.

പൂരാടം: കുടുംബസമേതം മംഗളകർമ്മങ്ങളിൽ പങ്കെടുക്കും. സുഹൃത്തിന്റെ സഹായത്താൽ വിദേശജോലി ലഭിക്കും. കടബാദ്ധ്യതകൾ ഒഴിവാക്കാൻ വസ്തു വിൽക്കാൻ തീരുമാനിക്കും. പുതിയ വീട്ടുപകരണങ്ങൾ വാങ്ങും. മാതാപിതാക്കളുടെ ആഗ്രഹങ്ങൾ നിറവേറ്റും. ഭാഗ്യദിനം: തിങ്കൾ.

ഉത്രാടം: ആഗ്രഹിച്ച ജോലി ലഭിക്കും. മകളുടെ വിവാഹം നടക്കും. കായികരംഗത്തുള്ളവർക്ക് മുന്നേറ്റമുണ്ടാകും. മക്കളുടെ ഉയർച്ചയിൽ അഭിമാനിക്കും. അയൽവാസികളുടെ അപ്രീതിക്ക് ഇടവരും. പ്രവാസികൾക്ക് ഗുണാനുഭവം. ഭാഗ്യദിനം: വെള്ളി.

തിരുവോണം: കച്ചവടത്തിൽ പണം മുടക്കാൻ നല്ല സമയം. ആഗ്രഹം പോലെ തീർത്ഥാടന യാത്രകൾ നടത്തും. സാമ്പത്തിക കാര്യങ്ങളിൽ കൂടുതൽ ശ്രദ്ധിക്കണം. കർഷിക മേഖലയിൽ പുരോഗതിയുണ്ടാകും. വിദ്യാർത്ഥികൾക്ക് അനുകൂല സമയം. ഭാഗ്യദിനം: ബുധൻ.

അവിട്ടം: ദീർഘകാലമായി ഉണ്ടായിരുന്ന പല പ്രതീക്ഷകളും സാക്ഷാത്കരിക്കപ്പെടും. സാമ്പത്തികസഹായം ലഭിക്കും. മകന്റെ വിദ്യാഭ്യാസ കാര്യത്തിനായി അന്യസംസ്ഥാന യാത്ര ചെയ്യേണ്ടി വരും. വിദേശയാത്ര തടസപ്പെടും. ഭാഗ്യദിനം: ഞായർ.

ചതയം: കർമ്മരംഗത്തെ തടസങ്ങൾ നീങ്ങും. ആത്മീയ കാര്യങ്ങളിൽ ശ്രദ്ധ കേന്ദ്രീകരിക്കും. കലാരംഗത്ത് അവസരങ്ങൾ വർദ്ധിക്കും. സഹോദരങ്ങൾ വഴി അവസരങ്ങൾ ലഭിക്കും. പുതിയ കരാർ ജോലി ലഭിക്കും. പൊതുരംഗത്ത് ശോഭിക്കും. ഭാഗ്യദിനം: വെള്ളി.

പൂരുരുട്ടാതി: ഉന്നത വിദ്യാഭ്യാസത്തിന് അനുകൂല സമയം. സാമ്പത്തിക ബുദ്ധിമുട്ട് മറികടക്കാൻ വസ്തു വില്ക്കാൻ ആലോചിക്കും. മനസ്വസ്ഥത കുറയും. ജീവിതത്തിൽ പുതിയ വഴിത്തിരിവുകൾ ഉണ്ടാകും. കടബാദ്ധ്യതകൾ തീർക്കും. ഭാഗ്യദിനം: തിങ്കൾ.

ഉത്രട്ടാതി: കൂട്ടുകച്ചവടത്തിലൂടെ സാമ്പത്തിക നേട്ടം. വിദ്യാർത്ഥികൾക്ക് ഇഷ്ടവിഷയത്തിന് അഡ്മിഷൻ ലഭിക്കും. ബന്ധുക്കളുമായി ശത്രുതയുണ്ടാകും. കാർഷിക രംഗത്ത് നൂതന ആശയങ്ങൾ നടപ്പിലാക്കും. പുതിയ ഉദ്യോഗം ലഭിക്കാൻ സാദ്ധ്യത. ഭാഗ്യദിനം: ശനി.

രേവതി: മത്സരങ്ങളിൽ വിജയിക്കും. സാമൂഹിക ബന്ധങ്ങൾ വഴി ഗുണമുണ്ടാകും. പെട്ടെന്ന് ദൂരയാത്രകൾ വേണ്ടിവരും. റിയൽ എസ്റ്റേറ്റ് മേഖലയിൽ നഷ്ടം സംഭവിച്ചേക്കാം. കാർഷിക രംഗത്തുള്ളവർക്ക് അപ്രതീക്ഷിത നഷ്ടം സംഭവിക്കും. ഭാഗ്യദിനം: വ്യാഴം.