വീട്ടിൽ പൂക്കുന്ന ചെടികൾ വളർത്താറുണ്ടോ? ശ്രദ്ധിച്ചില്ലെങ്കിൽ രോഗങ്ങൾ ഒഴിയില്ല

വീട് സ്വർഗമാക്കാൻ ചെടികൾ വളർത്തുന്നത് ഉത്തമമാണെന്നാണ് വിശ്വാസം. വീടുകളിൽ ഭാഗ്യം കൊണ്ടുവരാൻ അവയ്‌ക്ക് സാധിക്കുന്നു. പലരും വീട്ടിൽ ടെറസിന് മുകളിലാണ് ചെടികൾ വളർത്തുന്നത്. ഇത് നല്ലതാണെങ്കിലും ചില ചെടികൾ ഇത്തരത്തിൽ വളർത്തിയാൽ അത് ആ വീട്ടിൽ താമസിക്കുന്നവർക്ക് വളരെയധികം ദോഷം ചെയ്യും. ഇത്തരത്തിലുള്ള ചെടികൾ ഏതൊക്കെയെന്ന് നോക്കാം.

• തുളസിച്ചെടി - ഇത് ഒരിക്കലും ടെറസിന് മുകളിൽ വളർത്തരുത്. ഇങ്ങനെ ചെയ്‌താൽ ആ വീട്ടിൽ കലഹങ്ങൾ ഒഴിയില്ല. അതിനാൽ, വീടിന്റെ പ്രധാന വാതിലിന് മുന്നിൽ വളർത്തുന്നതാണ് ഉത്തമം.
• കറയുള്ള ചെടികൾ - ഇത്തരത്തിലുള്ള ചെടികൾ ടെറസിൽ വളർത്തിയാൽ ഒരിക്കലും മനസമാധാനം ഉണ്ടാകില്ല.
• ബോൺസായി ചെടികൾ - ഇവ വീടിന് മുകളിൽ വളർത്തുന്നത് അത്ര ശുഭകരമല്ല. സമാധാനം നഷ്ടപ്പെടും, കലഹങ്ങളുണ്ടാകും, ദുരിതം, അനൈക്യം തുടങ്ങിയ ദോഷ ഫലങ്ങളാണ് ബോൺസായി ചെടികൾ വളർത്തിയാൽ ഉണ്ടാവുന്നത്.
• കറിവേപ്പ് - രോഗ ദുരിതങ്ങൾ, സാമ്പത്തിക നഷ്‌ടം എന്നിവയുണ്ടാക്കും. വീട് മുഴുവൻ നെഗറ്റീവ് ഊർജം നിറയ്‌ക്കും.

ഈ പറഞ്ഞ ചെടികൾ ഫ്ലാറ്റിൽ താമസിക്കുന്നവർ വളർത്തുന്നതുകൊണ്ട് തെറ്റില്ല. എന്നാൽ, വീടുകളിൽ ഇങ്ങനെ ചെയ്യുന്നത് ദോഷമാണ്. മാത്രമല്ല, വീടുകളിൽ താമസിക്കുന്നവർക്ക് മുറ്റത്ത് ഈ ചെടികളെല്ലാം നട്ട് വളർത്താവുന്നതാണ്. സ്ഥല പരിമിധി പ്രശ്‌നമാണെങ്കിൽ ചെടിച്ചട്ടിയിൽ നടാവുന്നതാണ്.