കൊച്ചി: നടപ്പു സാമ്പത്തിക വർഷം ഇന്ത്യയുടെ വളർച്ച നിരക്ക് 7.2 ശതമാനമായി ഉയരുമെന്ന് പ്രമുഖ റേറ്റിംഗ് ഏജൻസിയായ ഫിച്ച് വിലയിരുത്തി. കൺസ്യൂമർ ഉത്പന്നങ്ങളുടെ ഉപഭോഗത്തിലും നിക്ഷേപ മേഖലയിലെ ഉണർവും കണക്കിലെടുത്താണ് വളർച്ച നിരക്ക് ഏഴ് ശതമാനത്തിൽ നിന്ന് ഉയർത്തുന്നതെന്ന് ഫിച്ച് വ്യക്തമാക്കി. അടുത്ത രണ്ട് സാമ്പത്തിക വർഷങ്ങളിലും വളർച്ച യഥാക്രമം 6.5 ശതമാനവും 6.2 ശതമാനവുമാകുമെന്നും അവർ പ്രവചിക്കുന്നു. ഇത്തവണ കാലവർഷം സാധാരണ നിലയിലാകുമെന്ന കാലാവസ്ഥ വകുപ്പിന്റെ വിലയിരുത്തലും സാമ്പത്തിക മേഖലയ്ക്ക് അനുകൂലമാകും.