'ഗിന്നസ് ബുക്ക് ഓഫ് സയൺ വേൾഡ്'

കാഞ്ചിയാർ: കാഞ്ചിയാർ സയൺ പബ്ലിക് സ്‌കൂളിൽ 'ഗിന്നസ് ബുക്ക് ഓഫ് സയൺ വേൾഡിന്റെ' പ്രകാശനം നടന്നു. വായനാദിനത്തോടനുബന്ധിച്ചു നടന്ന ചടങ്ങിൽ സ്‌കൂൾ ചെയർമാൻ ഡോ. ഫാ. ഇമ്മാനുവൽ കിഴക്കേത്തലയ്ക്കൽ, പ്രിൻസിപ്പൽ ഫാ. റോണി ജോസ് എന്നിവർ ചേർന്ന് പ്രകാശനകർമ്മം നിർവഹിച്ചു.
വിദ്യാഭ്യാസമേഖലയിലും ശാസ്ത്രസാങ്കേതിക മേഖലയിലും കലാകായിക മേഖലയിലും തങ്ങളുടെ പ്രതിഭ തെളിയിച്ച് ലോക റെക്കാഡ് വരെ നേടിയ സയണിന്റെ പ്രതിഭകളെക്കുറിച്ചുള്ള വിവരണമാണ് അഞ്ച് അടി ഉയരവും മൂന്ന് അടി വീതിയുമുള്ള ഈ ബുക്കിൽ ഉൾപ്പെടുത്തിയിരിക്കുന്നത്. കവിതാശകലങ്ങളും പൊതുവിജ്ഞാനവും മഹത് വചനങ്ങളും കൊണ്ട് കുട്ടികൾ നിർമ്മിച്ച 'അറിവിന്റെ മരം', നമ്മൾ നേടിയ അറിവുകൾ ലോകത്തിന്റെ നന്മയ്ക്കായിരിക്കണം എന്ന സന്ദേശം വിളിച്ചോതുന്നതായിരുന്നു.