ആർട്ടിഫിഷ്യൽ ഇന്റലിജൻസ് ( എ.ഐ)​ സാങ്കേതിക വിദ്യ എല്ലാരംഗത്തും ഇന്നെത്തിക്കഴിഞ്ഞു. .എ.ഐ സുന്ദരിമാരുടെ സൗന്ദര്യമത്സരം വരെ നടന്നു കഴിഞ്ഞു. ഇപ്പോഴിതാ എ.ഐ സാങ്കേതിക വിദ്യയുടെ സഹായത്തോടെ സെക്സ് ഡോളുകൾ പുറത്തിറക്കാൻ ഒരുങ്ങുകയാണ് ചൈനീസ് കമ്പനിയായ സ്റ്റാർപെറി ടെക്‌നോളജി.

ചാറ്റ് ജിപിടി പോലുള്ള എ.ഐ സാങ്കേതിക വിദ്യ ഉപയോഗിച്ച് ശബ്ദത്തിലും ശരീരഭാഷയിലും വിപുലമായ മാറ്റങ്ങൾ വരുത്തി ഉപയോക്താക്കളുമായി സംവദിക്കാൻ കഴിയുന്ന രീതിയിലാണ് സെക്സ് ബോട്ടുകൾ വികസിപ്പിക്കുന്നത്. ഈ വർഷം ഓഗസ്റ്റിൽ പ്രോട്ടോടൈപ്പ് പുറത്തിറക്കാനാവും എന്നാണ് കമ്പനി സി.ഇ.ഒ ഇവാൻ ലീയുടെ പ്രതീക്ഷ.

സ്റ്റാർപെറി ടെക്‌നോളജി അവരുടെ സെക്‌സ് ഡോളുകളെ ഇതിനകം ഉടമകളുമായി വൈകാരിക ബന്ധം പുലർത്തുന്ന രീതിയിലേക്ക് മാറ്റിക്കഴിഞ്ഞു. പുരുഷന്റെയും സ്ത്രീയുടെയും രൂപത്തിൽ സെക്‌സ് ഡോളുകൾ കമ്പനി പുറത്തിറക്കുന്നുണ്ട്. നിലവിൽ വിപണിയിൽ ലഭ്യമായ സെക്‌സ് ഡോളുകൾ ഭാവങ്ങൾ പ്രകടിപ്പിക്കുന്നില്ല, മാത്രമല്ല മനുഷ്യരുമായി ഇടപഴകാനുള്ള കഴിവ് ഇല്ല. എന്നാൽ പുതിയ എ.ഐI മോഡലുകളിൽ ഉപഭോക്തൃ അനുഭവം മെച്ചപ്പെടുത്തുന്നതിനായി സെൻസറുകൾ സജ്ജീകരിച്ചിരിക്കുന്നു.

എ.ഐ മോഡലുകൾ നൽകുന്നതും സെൻസറുകൾ കൊണ്ട് സജ്ജീകരിച്ചിരിക്കുന്നതുമായ സെക്‌സ് ഡോളുകളുടെ പുതിയ തലമുറയ്ക്ക് ചലനങ്ങളോടും സംസാരത്തോടും പ്രതികരിക്കാൻ കഴിയും, അടിസ്ഥാന സംഭാഷണ കഴിവുകളേക്കാൾ വൈകാരിക ബന്ധത്തിൽ ശ്രദ്ധ കേന്ദ്രീകരിച്ച് ഉപയോക്തൃ അനുഭവം ഗണ്യമായി വർദ്ധിപ്പിക്കുന്നു,” ലീ പറഞ്ഞു.

ഏറെക്കുറെ യാഥാസ്ഥിതിക സമൂഹമായിരുന്നിട്ടും, സെക്‌സ് ഡോളുകളുടെ ഏറ്റവും വലിയ വിപണിയായി ചൈന ഉയർന്നുവന്നിട്ടുണ്ട്. യുഎസ്, ജപ്പാൻ, ജർമ്മനി എന്നീ രാജ്യങ്ങൾ ചേർന്നുള്ളതിനേക്കാൾ കൂടുതൽ ചൈന ഈ രംഗത്ത് സംഭാവന നൽകിയിട്ടുണ്ടെന്നും സിഇഒ കൂട്ടിച്ചേർത്തു.

സ്റ്റാർപെറിയുടെ പാത പിന്തുടർന്ന്, മറ്റ് ചൈനീസ് പാവ നിർമ്മാതാക്കളും അവരുടെ ഉത്പന്നങ്ങളിൽ എ.ഐ സംയോജിപ്പിക്കാനുള്ള ശ്രമത്തിലാണ്. സൗത്ത് ചൈന മോർണിംഗ് പോസ്റ്റ് റിപ്പോർട്ട് ചെയ്യുന്നതനുസരിച്ച്, ചൈനീസ് ബ്രാൻഡായ സ്റ്റാർപെറിയുടെ ഒരു സെക്‌സ് ഡോളിന് 1,500 ഡോളർ (ഏകദേശം 1.2 ലക്ഷം രൂപ) ആണ്, അതേസമയം അമേരിക്കയിലെ അബിസ് ക്രിയേഷൻസ് നിർമ്മിക്കുന്ന സമാനമായ ഡോളിന് 6000ഡോളർ (ഏകദേശം 5 ലക്ഷം രൂപ) മുതൽ മുകളിലേക്കാണ് വില.