അശ്വതി: സാമ്പത്തിക രംഗത്ത് അപ്രതീക്ഷിത നേട്ടം. ഉദ്യോഗാർത്ഥികൾക്ക് ജോലിക്ക് സാദ്ധ്യത. വിദ്യാർത്ഥികൾ ഉപരിപഠനത്തിനു ചേരും. രാഷ്ട്രീയ രംഗത്ത് ഉന്നതപദവി അലങ്കരിക്കും. ബിസിനസിൽ അപ്രതീക്ഷിത നഷ്ടസാദ്ധ്യതയുണ്ട്. ഭാഗ്യദിനം വെള്ളി.
ഭരണി: റിയൽ എസ്റ്റേറ്റുമായി ബന്ധപ്പെട്ട് സാമ്പത്തിക നേട്ടമുണ്ടാകും. കടം വാങ്ങിയ പണം തിരികെ നൽകും. പുതിയ സംരംഭങ്ങളിൽ നിന്ന് മാറിനിൽക്കുന്നതാണ് ഉചിതം. സർക്കാർ തീരുമാനം അനുകൂലമാകാൻ വൈകും. ഭാഗ്യദിനം തിങ്കൾ.
കാർത്തിക: കാർഷിക മേഖലയിൽ സാമ്പത്തിക നേട്ടമുണ്ടാകും. അകന്നു കഴിയുന്ന ഭാര്യാഭർത്തക്കന്മാർ ഒന്നിക്കും. മക്കളുടെ വളർച്ചയിൽ അഭിമാനിക്കും. സേനാ വിഭാഗത്തിലുള്ളവർക്ക് സ്ഥാനക്കയറ്റം. മാദ്ധ്യമരംഗത്തുള്ളവർ വിമർശനങ്ങളെ അതിജീവിക്കും. ഭാഗ്യദിനം ചൊവ്വ.
രോഹിണി: പാർട്ട്ടൈം ജോലിയിൽ നിന്ന് ലാഭമുണ്ടാകും. രണ്ടാം സന്താന ഭാഗ്യമുണ്ടാകും. ആദ്ധ്യാത്മിക കാര്യങ്ങളിൽ കൂടുതൽ ശ്രദ്ധിക്കും. ബന്ധുക്കളുടെ പ്രാർത്ഥനകൾ ഫലം കാണും. അശുഭ വാർത്തകൾ മനസിനെ ബാധിക്കും. ഭാഗ്യദിനം വ്യാഴം.
മകയിരം: കലാരംഗത്ത് ആദരവും അംഗീകാരവും ലഭിക്കും. ബന്ധുക്കളിൽ നിന്ന് സഹായങ്ങൾ ലഭിക്കും. വിദേശയാത്ര സഫലമാകും. വസ്ത്രവ്യാപാര രംഗത്തുള്ളവർക്ക് സാമ്പത്തിക നേട്ടമുണ്ടാകും. സുഹൃത്തുക്കളുമായി കലഹ സാദ്ധ്യത. ഭാഗ്യദിനം തിങ്കൾ.
തിരുവാതിര: കാലങ്ങളായി നടന്നുവരുന്ന വ്യവഹാരങ്ങളിൽ തീർപ്പുണ്ടാകും. നഷ്ടപ്പെട്ടെന്നു കരുതിയ പിതൃസ്വത്ത് തിരികെ ലഭിക്കും. മക്കളുടെ വിദ്യാഭ്യാസ കാര്യത്തിനായി ദൂരയാത്ര ചെയ്യേണ്ടിവരും. അനുയോജ്യമായ വിവാഹബന്ധം ലഭിക്കും. ഭാഗ്യദിനം ബുധൻ.
പുണർതം: സാമ്പത്തിക തടസങ്ങൾ മാറും. സാംസ്കാരിക രംഗത്തുള്ളവർ മറ്റുള്ളവരുടെ പ്രശംസ നേടും. വിവാഹാലോചനകൾ സഫലമാകും. ഉദ്യോഗസ്ഥർക്ക് സ്ഥാനമാറ്റം. സർക്കാർ കാര്യങ്ങളിൽ തീരുമാനം അനുകൂലമാകും. ഭാഗ്യദിനം വെള്ളി.
പൂയം: വിവിധ മേഖലകളിൽ സ്വയംതൊഴിൽ ചെയ്യുന്നവർക്ക് സാമ്പത്തിക നേട്ടമുണ്ടാകും. വിനോദയാത്രയിൽ പങ്കാളിയാവും. കൂട്ടുകച്ചവടത്തിൽ അപ്രതീക്ഷിത നഷ്ടസാദ്ധ്യത കാണുന്നു. അന്യദേശവാസത്തിന് യോഗം. വാഹനം കാരണം ചെലവ് കൂടും. ഭാഗ്യദിനം ശനി.
ആയില്യം: പുതിയ വാഹനം വാങ്ങുന്നതിന് അനുകൂല സമയം. തൊഴിൽമേഖല മെച്ചപ്പെടും. പുതിയ സംരംഭങ്ങൾ തുടങ്ങും. പ്രതീക്ഷിക്കാത്ത ഭാഗ്യാനുഭവങ്ങൾ ഉണ്ടാകും. വിവാഹാലോചന തടസപ്പെട്ടേക്കും. സഹോദരങ്ങൾക്ക് ക്ഷേമമുണ്ടാകും. ഭാഗ്യദിനം ശനി.
മകം: ഉന്നത വിദ്യാഭ്യാസത്തിന് അവസരമുണ്ടാകും. പൊതുവെ എല്ലാ രംഗങ്ങളിലും അനുകൂലമായ വാരം. കാർഷിക മേഖലയിൽ നിന്നുള്ള വരുമാനത്തിൽ കുറവുണ്ടാകും. ഉദ്യോഗാർത്ഥികൾക്ക് അവസരങ്ങൾ ലഭിക്കും. ഭാഗ്യദിനം ചൊവ്വ.
പൂരം: ഉദ്യോഗസ്ഥർക്ക് സഹപ്രവർത്തകരുടെ സഹകരണമുണ്ടാകും. വിഭ്യാഭ്യാസത്തിൽ പുരോഗതി. നാണ്യവിളകളിലൂടെ വരുമാനം ലഭിക്കും. പ്രണയവിവാഹം സഫലീകരിക്കും. മാതാവിന്റെ ആരോഗ്യ കാര്യത്തിൽ ശ്രദ്ധ വേണം. ഭാഗ്യദിനം ഞായർ.
ഉത്രം: സാമ്പത്തിക രംഗത്ത് അഭിവൃദ്ധിയുണ്ടാകും. ഗൃഹനിർമ്മാണം തുടങ്ങും. നാൽക്കാലികളിൽ നിന്ന് ലാഭമുണ്ടാകും. വിദ്യാർത്ഥികൾ പഠനത്തിൽ കൂടുതൽ ശ്രദ്ധിക്കണം. നാഡീരോഗങ്ങൾ അസ്വസ്ഥതയുണ്ടാക്കും. ഭാഗ്യദിനം വ്യാഴം.
അത്തം: സാഹിത്യരംഗത്ത് ആദരിക്കപ്പെടും. കുടുംബ ബന്ധങ്ങളിലെ പാളിച്ചകൾ മാറും. കോടതി വ്യവഹാരങ്ങൾ നീണ്ടുപോകും. അനാവശ്യ ചെലവുകൾ വർദ്ധിക്കും. സാഹസിക പ്രവൃത്തികളിൽ ഏർപ്പെടാതിരിക്കുക. ഭാഗ്യദിനം തിങ്കൾ.
ചിത്തിര: ഗവേഷണ വിദ്യാർത്ഥികൾക്ക് അനുകൂല സാഹചര്യം. മനസിന് ഇണങ്ങിയ വീട്ടിൽ താമസം തുടങ്ങും. ഉദ്യോഗത്തിൽ സ്ഥാനമാറ്റം. പ്രതിരോധ മേഖലയിലുള്ളവർക്ക് കഠിനാദ്ധ്വാനം വേണ്ടിവരും. ബിസിനസിൽ നഷ്ടസാദ്ധ്യത. ഭാഗ്യദിനം ബുധൻ.
ചോതി: വിദേശത്തുള്ളവർക്ക് നാട്ടിൽ വരാനാകും. കടം കൊടുത്ത പണം തിരികെ ലഭിക്കും. ഏറ്റെടുത്ത ദൗത്യം സംതൃപ്തിയോടെ ചെയ്തു തീർക്കും. വിജയപ്രതീക്ഷയോടെ മത്സരപരീക്ഷകളെ സമീപിക്കും. പഠനസാഹചര്യം മെച്ചപ്പെടും. ഭാഗ്യദിനം ശനി.
വിശാഖം: വിജയസാദ്ധ്യത വിലയിരുത്തി കർമ്മ മണ്ഡലത്തിൽ മാറ്റം വരുത്തും. ആഗ്രഹ സാഫല്യത്തിനായി അശ്രാന്ത പരിശ്രമം വേണ്ടിവരും. ആഗ്രഹിച്ച ജോലി ലഭിക്കാത്തത് മനോവിഷമമുണ്ടാക്കും. കാലാവസ്ഥാ മാറ്റം കാർഷിക വരുമാനത്തെ ബാധിക്കും. ഭാഗ്യദിനം ഞായർ.
അനിഴം: അദ്ധ്വാനിക്കാനുള്ള മനസ്ഥിതി നേട്ടങ്ങളുണ്ടാകും. കുട്ടികളുടെ കാര്യത്തിൽ സന്തോഷിക്കാൻ അവസരമുണ്ടാകും. തർക്കങ്ങൾ പരിഹരിക്കും. പരമ്പരാഗത തൊഴിലിൽ ഏർപ്പെട്ടിരിക്കുന്നവർക്ക് ജോലിനഷ്ടത്തിന് സാദ്ധ്യത. ഭാഗ്യദിനം വെള്ളി.
തൃക്കേട്ട: ആഗ്രഹിച്ച പഠനവിഷയം തിരഞ്ഞെടുക്കും. സംയുക്ത സംരംഭങ്ങളിൽ പണം മുടക്കും. കർമ്മരംഗത്ത് കൂടുതൽ ശ്രദ്ധ പതിപ്പിക്കും. ഓൺലൈൻ ബിസിനസിൽ അപ്രതീക്ഷിത നഷ്ടം സംഭവിക്കും. വിയോഗദുഃഖ സാദ്ധ്യതയുണ്ട്. ഭാഗ്യദിനം ഞായർ.
മൂലം: പുതിയ ഉദ്യമങ്ങൾ ഗുണകരമാകും. വാഗ്ദാനങ്ങൾ നിറവേറും. തൊഴിൽരംഗത്ത് തിരക്ക് വർദ്ധിക്കും. വാഗ്വാദങ്ങളിൽ നിന്ന് ഒഴിഞ്ഞുനിൽക്കണം. വീട്ടിൽ വന്നുപോകാൻ സാധിക്കുന്ന തരത്തിൽ ഉദ്യോഗത്തിൽ മാറ്റമുണ്ടാകും. ഭാഗ്യദിനം ചൊവ്വ.
പൂരാടം: വിദ്യാർത്ഥികൾ ഉന്നത വിജയം കരസ്ഥമാക്കും. ധനപരമായി നേട്ടങ്ങളുണ്ടാകും. ഗുണകരമായ കാര്യങ്ങൾ സംഭവിക്കും. വേണ്ടപ്പെട്ടവരുടെ ഭാഗത്തുനിന്ന് എതിർപ്പുകൾ ഉണ്ടായേക്കാം. പ്രണയബന്ധത്തിൽ വിള്ളലുണ്ടാകും. ഭാഗ്യദിനം വ്യാഴം.
ഉത്രാടം: സ്ഥലമിടപാടുകളിലൂടെ നേട്ടം. മക്കൾക്ക് വിദേശത്തേക്കു പോകാൻ സാഹചര്യമുണ്ടാകും. യാത്രകൾ ഗുണകരമാകും. സ്വന്തം നിലപാടുകളിൽ ഉറച്ചുനിന്ന് പോരാടും. പിതൃതുല്യരുടെ ആരോഗ്യത്തിൽ ആശങ്കയുണ്ടാകും. ഭാഗ്യദിനം ഞായർ.
തിരുവോണം: വിദേശ ജോലിയുള്ളവർക്ക് സ്ഥാനക്കയറ്റം ലഭിക്കും. കർമ്മരംഗത്ത് കർക്കശ നിലപാട് സ്വീകരിക്കും. മറ്റുള്ളവരോടുള്ള പെരുമാറ്റം ശ്രദ്ധിക്കുക. വിദ്യാർത്ഥികൾ പഠനകാര്യത്തിൽ ശ്രദ്ധിക്കുക. വിവാഹബന്ധത്തിൽ വിള്ളലുണ്ടാകും. ഭാഗ്യദിനം ശനി.
അവിട്ടം: കരാർ ജോലികളിൽ നിന്ന് വരുമാനമുണ്ടാകും. കൂട്ടുകച്ചവടത്തിൽ നഷ്ടത്തിന് സാദ്ധ്യത. പുതിയ വ്യാപാരസ്ഥാപനം തുടങ്ങും. ഉന്നത വിദ്യാഭ്യാസ മേഖലയിലുള്ളവർ മേലാധികരികളുടെ അപ്രീതിക്ക് പാത്രമായേക്കും. ഭാഗ്യദിനം തിങ്കൾ.
ചതയം: പുണ്യസ്ഥങ്ങൾ സന്ദർശിക്കും. ആത്മീയതയിലൂടെ മനഃസമാധാനം നിലനിറുത്തും. വിദേശജോലി ഉപേക്ഷിച്ച് കാർഷിക മേഖലയിൽ ശ്രദ്ധിക്കും. സന്താനഭാഗ്യമുണ്ടാകും. കൈത്തറിമേഖലയിൽ ഉണർവ്. അപ്രതീക്ഷിത നഷ്ടമുണ്ടാകും. ഭാഗ്യദിനം ചൊവ്വ.
പൂരുരുട്ടാതി: പുതിയ ഉദ്യമങ്ങൾ ഗുണകരമാകും. ഉത്തരവാദിത്വങ്ങളിൽ കൃത്യത പുലർത്തും. ജീവിതത്തിൽ വരുത്തുന്ന ചിട്ടകൾ ഗുണം ചെയ്യും. തൊഴിലിൽ അഭിവൃദ്ധി, കായികരംഗത്ത് നേട്ടങ്ങൾ, വിദ്യാർത്ഥികളിൽ അലസത എന്നിവയ്ക്ക് സാദ്ധ്യത. ഭാഗ്യദിനം ഞായർ.
ഉത്രട്ടാതി: ആത്മാർത്ഥമായ പ്രവർത്തനങ്ങളാൽ മേലധികാരികളുടെ പ്രീതി നേടും. കൃഷിയിൽ നിന്ന് ആദായമുണ്ടാകും. ഗൃഹപ്രവേശം മംഗളകരമാകും. മുതിർന്ന കുടുംബാംഗങ്ങളെ രോഗങ്ങൾ അലട്ടാം. വിദേശയാത്രയ്ക്ക് സമയം അനുകൂലമല്ല. ഭാഗ്യദിനം ബുധൻ.
രേവതി: വ്യാപാര മേഖലകളിൽ സാമ്പത്തിക നേട്ടമുണ്ടാകും. പ്രതിസന്ധികളെ മറികടക്കാൻ കഠിനപ്രയത്നം വേണ്ടിവരും. ആത്മവിശ്വാസക്കുറവു മൂലം ഊഹക്കച്ചവടത്തിൽ നിന്ന് പിന്മാറും. രാഷ്ട്രീയ പ്രവർത്തനങ്ങളിൽ സജീവമായി ഇടപെടും. ഭാഗ്യദിനം വെള്ളി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |