തിരുവനന്തപുരം: ഉന്നത വിദ്യാഭ്യാസ മേഖലയിൽ ക്യൂബയും കേരളവും തമ്മിലുള്ള സഹകരണം ശക്തിപ്പെടുത്താൻ മന്ത്രി ആർ.ബിന്ദു ക്യൂബയുടെ അംസാബഡർ- ഇൻ ചാർജ് അബെൽ അബെല്ല ഡെസ്പെയിനുമായി നടത്തിയ കൂടിക്കാഴ്ചയിൽ ധാരണയായി. മന്ത്രിയുടെ ചേംബറിൽ നടന്ന കൂടിക്കാഴ്ചയിൽ സ്റ്റുഡന്റ് എക്സ്ചേഞ്ച്‌ , ഫാക്കൽറ്റി എക്സ്ചേഞ്ച്‌, ട്വിന്നിംഗ് പ്രോഗ്രാമുകൾ ചർച്ചാവിഷയമായി. ഉന്നതവിദ്യാഭ്യാസ മേഖലയിൽ കേരളത്തിന്റെ മികവിനെ ക്യൂബൻ സ്ഥാനപതി പ്രശംസിച്ചു. ക്യൂബയിൽ നടത്തുന്ന അന്താരാഷ്ട്ര സെമിനാറിൽ കേരളത്തിൽ നിന്നും വിദ്യാർത്ഥികളെ പങ്കെടുപ്പിക്കുന്നതിന്റെ സാദ്ധ്യതയും ചർച്ചയായി.