നര മാറ്റാനായി പല തരത്തിലുള്ള കെമിക്കൽ ഡൈ ഉപയോഗിച്ച് നിരവധി പ്രശ്നങ്ങൾ അനുഭവിക്കുന്നവരാണോ നിങ്ങൾ? എങ്കിൽ ഇനി വിഷമിക്കേണ്ട. മുടി തഴച്ചുവളരാനും കറുപ്പിക്കാനും സഹായിക്കുന്ന ഒരു അത്ഭുത കൂട്ട് പരിചയപ്പെടാം. പ്രകൃതിദത്തമായി മുടി കറുപ്പിക്കുന്നതിന് ആയുർവേദ ആചാര്യന്മാർ കണ്ടെത്തിയ ഒരു വഴിയാണിത്. എങ്ങനെയാണ് ഈ ആയുർവേദ ഡൈ തയാറാക്കുന്നതെന്ന് നോക്കാം.

ആവശ്യമായ സാധനങ്ങൾ

വെള്ളം - മുക്കാൽ ഗ്ലാസ്

ചായപ്പൊടി - 3 ടീസ്പൂൺ

കാപ്പിപ്പൊടി - 3 ടീസ്പൂൺ

കഞ്ഞുണ്ണി/ കയ്യോന്നി പൊടി - 1 ടീസ്പൂൺ

നെല്ലിക്ക പൊടി - 1 ടീസ്പൂൺ

മൈലാഞ്ചിപ്പൊടി - 1 ടീസ്പൂൺ

നീലയമരി പൊടി - 1 ടീസ്പൂൺ

നാടൻ മുട്ട - 1

പച്ച നെല്ലിക്ക - 1 (അരച്ചെടുത്തത്)

ആവണക്കെണ്ണ - 4 തുള്ളി

തയാറാക്കുന്ന വിധം

വെള്ളത്തിലേയ്ക്ക് ചായപ്പൊടിയും കാപ്പിപ്പൊടിയും ചേർത്ത് നന്നായി തിളപ്പിച്ച് കുറുക്കി പേസ്റ്റ് രൂപത്തിലാക്കിയെടുക്കുക. ശേഷം ഇരുമ്പ് ചീനച്ചട്ടിയിലേയ്ക്ക് കഞ്ഞുണ്ണി/ കയ്യോന്നി പൊടി, നെല്ലിക്ക പൊടി, മൈലാഞ്ചിപ്പൊടി, നീലയമരി പൊടി എന്നി എടുത്ത് അതിലേയ്ക്ക് നേരത്തേ തയാറാക്കി വച്ച തേയില കൂട്ട് ചേർത്ത് പേസ്റ്റ് രൂപത്തിലാക്കുക. ശേഷം ഈ ചീനച്ചട്ടി വെയിലത്ത് വയ്ക്കുക. നന്നായി ഉണങ്ങുമ്പോൾ ഇതിനെ കൈകൊണ്ട് പൊടിച്ചെടുക്കുക. ഇതിലേയ്ക്ക് മുട്ടയും നെല്ലിക്കയും ആവണക്കെണ്ണയും ചേർത്ത് നന്നായി മിക്സ് ചെയ്യുക.

ഉപയോഗിക്കേണ്ട വിധം

എണ്ണമയമില്ലാത്ത തലമുടിയിലേയ്ക്കാണ് ഈ ആയുർവേദ ഹെയർ ഡൈ പുരട്ടേണ്ടത്. ഒരു മണിക്കൂർ വച്ചശേഷം കഴുകി കളയാവുന്നതാണ്. വീര്യം കുറഞ്ഞ ഷാംപൂ അല്ലെങ്കിൽ താളി ഉപയോഗിച്ച് കഴുകി കളയുന്നതാണ് ഉത്തമം.