ഈ നാളുകാർ പഴയകാല സുഹൃത്തുക്കളെ കണ്ടുമുട്ടും, ന്യായമായ ആവശ്യങ്ങൾക്ക് പണം വന്നുചേരും

അശ്വതി: വിശിഷ്ട വ്യക്തികളെ പരിചയപ്പെടും. ദൈവിക കാര്യങ്ങളിൽ സംബന്ധിക്കും. ആഗ്രഹങ്ങൾ നിറവേറും. ഗൃഹത്തിൽ സമാധാനം കുറയും. പഠനം, ഗവേഷണം, ഗ്രന്ഥരചന എന്നിവയ്ക്ക് സമയം കണ്ടെത്തും. വീട്ടിൽ നിന്ന് മാറിനിൽക്കേണ്ടിവരും. ഭാഗ്യദിനം ഞായർ.

ഭരണി: വിനോദയാത്രകൾ നടത്തും. സകല കാര്യങ്ങളിലും ആധിപത്യം സ്ഥാപിക്കാൻ ശ്രമിക്കും. ഇഷ്ടവസ്തുക്കൾക്ക് പണം ചെലവഴിക്കും. പ്രണയികൾക്ക് സന്തോഷവാരം. മനക്ലേശമോ ശാരീരിക വൈഷമ്യമോ ഉണ്ടാവാം. ആരോഗ്യത്തിൽ ശ്രദ്ധവേണം. ഭാഗ്യദിനം വ്യാഴം.

കാർത്തിക: മനക്ലേശവും വ്യാകുലതയും മാറും. മംഗളകർമ്മങ്ങളിൽ പങ്കെടുക്കും. വസ്ത്രാദികൾ പാരിതോഷികമായി ലഭിക്കാം.

ന്യായമായ ആവശ്യങ്ങൾക്ക് പണം വന്നുചേരും.

സഹോദരങ്ങൾക്ക് ഗുണകരം. വിദ്യാർത്ഥികൾക്ക് ദൂരയാത്ര വേണ്ടിവരും. ഭാഗ്യദിനം തിങ്കൾ.

രോഹിണി: ബുദ്ധിപരമായി മികവ് പ്രകടിപ്പിക്കും. കർമ്മരംഗത്ത് ഉണർവ്. വായ്പാ തിരിച്ചടവ് മുടങ്ങാതെ നോക്കണം. പൊതുപ്രവർത്തനങ്ങളിൽ പാളിച്ചയുണ്ടാകരുത്. യാത്രകൾ വേണ്ടിവരും. സർക്കാർ ആനുകൂല്യങ്ങൾ ലഭിക്കും. ഭാഗ്യദിനം ചൊവ്വ.

മകയിരം: ആഗ്രഹങ്ങൾ സഫലീകരിക്കും. യാത്രാക്ലേശം, പാഴ്‌ച്ചെലവ് എന്നിവയുണ്ടാകും. കുടുംബത്തിൽ സ്വസ്ഥത കുറയും. വീട് മോടിപിടിപ്പിക്കും. ഗൃഹോപകരണങ്ങൾ വാങ്ങും. ബന്ധുജനങ്ങളുടെയോ സുഹൃത്തുക്കളടെയോ വിയോഗ വാർത്ത കേൾക്കാനിടവരും. ഭാഗ്യദിനം ബുധൻ.

തിരുവാതിര: കിട്ടാക്കടങ്ങൾ മടക്കി ലഭിക്കും. ക്ഷേത്രദർശനം, ബന്ധുജനസമാഗമം എന്നിവയുണ്ടാകും. വിനോദയാത്ര പോകാനിടവരും. പണമോ വസ്തുക്കളോ കളവു പോകാനിടയുണ്ട്. ഊഹക്കച്ചവടത്തിൽ വിജയിക്കും. കച്ചവടം വിപുലീകരിക്കും. ഭാഗ്യദിനം തിങ്കൾ.

പുണർതം: ഗുണദോഷങ്ങൾ സമ്മിശ്രമാണ്. ഔദ്യോഗിക കൃത്യങ്ങളിൽ സഹപ്രവർത്തകരുടെ പിന്തുണ കുറയും. കുടുംബ കാര്യങ്ങളിലും വിരുന്നുകളിലും പങ്കെടുക്കും. വാഗ്‌വൈഭവം ആദരിക്കപ്പെടും. കഠിനാദ്ധ്വാനം മികച്ച ഫലമുണ്ടാക്കും. ഭാഗ്യദിനം വ്യാഴം.

പൂയം: കുടുംബപരമായും ആരോഗ്യപരമായും മികച്ച വാരം. ഇഷ്ടജന സമാഗമമുണ്ടാകും. കാര്യനിർവഹണത്തിൽ വ്യക്തതയുണ്ടാവും, വസ്ത്രാഭരണാദികൾ പാരിതോഷികം ലഭിക്കും. ദാമ്പത്യജീവിതത്തിൽ സ്വസ്ഥതയും സംതൃപ്തിയുമുണ്ടാകും. ഭാഗ്യദിനം ബുധൻ.

ആയില്യം: ഗുണാനുഭവങ്ങൾക്ക് മുൻതൂക്കമുണ്ടാവും. ആത്മവിശ്വാസം വർദ്ധിക്കും. സാമ്പത്തിക നേട്ടമുണ്ടാകും. ഉന്നതസ്ഥാനീയരുടെ പ്രീതി നേടും. രോഗങ്ങൾ ബാധിക്കാനിടയുണ്ട്. സന്താനസുഖം, മനസുഖം എന്നിവ കുറയും. ഭാഗ്യദിനം ഞായർ.

മകം: ന്യായമായ ആഗ്രഹങ്ങൾ സഫലമാകും. മനസമാധാനമുണ്ടാകും. സ്വന്തം ജോലിയിൽ അഭിമാനം തോന്നും. വീടുപണിക്ക് പണം കണ്ടെത്തും. പ്രണയബന്ധം ദൃഢമാകും. ദാമ്പത്യ ജീവിതം ശുഭകരമാകും. ആഡംബര വസ്തുക്കൾ പാരിതോഷികമായി ലഭിക്കും. ഭാഗ്യദിനം ചൊവ്വ.

പൂരം: മാനസിക സമ്മർദ്ദങ്ങൾ അകലും. സാമ്പത്തികനില മെച്ചപ്പെടും. കലാപ്രവർത്തകർക്ക് നല്ല അവസരങ്ങളുണ്ടാകും. ബന്ധുക്കളുടെ പിന്തുണ ലഭിക്കും. ആ‌ഡംബര വസ്തുക്കൾ വാങ്ങുന്നത് ചെലവ് വർദ്ധിപ്പിക്കും. പഴയ ബന്ധങ്ങൾ പുതുക്കും. ഭാഗ്യദിനം വെള്ളി.

ഉത്രം: മംഗളകർമ്മങ്ങളിൽ സകുടുംബം പങ്കെടുക്കും. പ്രവർത്തനമേഖല ഉണരും. കച്ചവടക്കാർക്ക് ലാഭമുണ്ടാകും. സാമ്പത്തികമായി മെച്ചപ്പെടും. വീട് പുതുക്കിപ്പണിയും. ഗുരുജനങ്ങളെ കണ്ടുമുട്ടും. നിയമതടസങ്ങൾ മാറും. ഭാഗ്യദിനം ശനി.

അത്തം: ജീവിതത്തിൽ സന്തോഷവും സമാധാനവുമുണ്ടാകും. കുടുംബാംഗങ്ങൾ തമ്മിലുള്ള ഐക്യം വർദ്ധിക്കും. മെച്ചപ്പെട്ട തൊഴിൽ അവസരങ്ങൾ കണ്ടെത്തും. മാതാവിന്റെ ആരോഗ്യസ്ഥിതിയിൽ പുരോഗതിയുണ്ടാകും. ധനവരവ് വർദ്ധിക്കും. ശുഭവാർത്ത കേൾക്കും. ഭാഗ്യദിനം ബുധൻ.

ചിത്തിര: പഴയകാല സുഹൃത്തുക്കളെ കണ്ടുമുട്ടും. ഭാഗ്യാനുഭവങ്ങളുണ്ടാകും. പാചക നൈപുണ്യത്താൽ പ്രശംസ നേടും. കച്ചവടത്തിൽ നിന്ന് ആദായം വർദ്ധിക്കും. ആത്മാർത്ഥത അഭിനന്ദിക്കപ്പെടും. വ്യവഹാരങ്ങളിൽ തിരിച്ചടി നേരിടും. ഭാഗ്യദിനം വ്യാഴം.

ചോതി: സാമ്പത്തിക തിരിച്ചടി നേരിട്ടാലും പേരും പ്രശസ്തിയും വർദ്ധിക്കും. കർത്തവ്യങ്ങൾ പൂർത്തിയാക്കാൻ ശ്രമിക്കും. വാരാദ്യത്തിൽ ചെലവ് കൂടും. ചെറിയ ആരോഗ്യപ്രശ്നങ്ങൾക്ക് സാദ്ധ്യത. മത്സരങ്ങളിൽ വിജയിക്കും. ബന്ധുക്കൾ ശത്രുക്കളാകാൻ സാദ്ധ്യത. ഭാഗ്യദിനം ഞായർ.

വിശാഖം: വിദേശയാത്രയ്ക്കും ഗൃഹനിർമ്മാണത്തിനും അനുകൂല സമയം. ധനപരമായി മെച്ചപ്പെടും. അദ്ധ്വാനത്തിന് ആദരവ് ലഭിക്കും. ദാമ്പത്യത്തിൽ സംതൃപ്തി. ബന്ധുമിത്രാദികളെ സന്ദർശിക്കും. വ്യക്തിപരമായ ആവശ്യങ്ങൾ ചെലവ് കൂട്ടും. വ്യാപാരത്തിൽ ലാഭം. ഭാഗ്യദിനം ചൊവ്വ.

അനിഴം: സന്തോഷവും സമാധാനവുമുണ്ടാകും. സംരംഭങ്ങളിൽ നിന്ന് ലാഭം. ഏജൻസികളുടെ പ്രവർത്തനം തൃപ്തികരം. വ്യാപാരത്തിൽ പുരോഗതി. വിനോദങ്ങളിൽ ഏർപ്പെടും. പ്രണയകാര്യങ്ങളിൽ തിരിച്ചടിക്ക് സാദ്ധ്യത. കഠിനാദ്ധ്വാനമില്ലായ്മ ഫലത്തിൽ പ്രതിഫലിക്കും. ഭാഗ്യദിനം ബുധൻ.

തൃക്കേട്ട: ഭാവികാര്യങ്ങളിൽ തീരുമാനമുണ്ടാകും. പ്രണയം, കലാരസികത്വം ഇവയുണ്ടാവും. ഒത്തുചേരലുകളിൽ സന്തോഷമനുഭവിക്കും. പങ്കാളിയുടെ പ്രവർത്തനങ്ങളെ അഭിനന്ദിക്കും. ധനപരമായി മികച്ച വാരം. കടങ്ങൾ തിരികെ ലഭിക്കും. ഭാഗ്യദിനം തിങ്കൾ.

മൂലം: തൊഴിലിൽ നേട്ടമുണ്ടാകും. ദമ്പതികൾക്കിടയിലെ പ്രശ്നങ്ങൾ പരിഹരിക്കും. പുതിയ കരാറുകൾ ഒപ്പുവയ്ക്കും. സുഹൃത്തുക്കളുമൊത്ത് വിനോദയാത്ര നടത്തും. കുടുംബയോഗങ്ങളിൽ പങ്കെടുക്കും. സാമ്പത്തിക ഇടപാടുകളിൽ സൂക്ഷ്മത വേണം. ഭാഗ്യദിനം ഞായർ.

പൂരാടം: സമയബന്ധിതമായി കാര്യങ്ങൾ ചെയ്തുതീർക്കും. പ്രവർത്തന മികവ് അംഗീകരിക്കപ്പെടും. കലാകാരന്മാർക്ക് സഹൃദയ പ്രശംസ ലഭിക്കും. കുടുംബസമേതം വിനോദയാത്ര നടത്താൻ സാഹചര്യം അനുകൂലം. ധനപരമായി ഉയർച്ചയുണ്ടാകും. ഭാഗ്യദിനം വെള്ളി.

ഉത്രാടം: വീടുവിട്ടു നിൽക്കുന്നവർക്ക് മടക്കം സാദ്ധ്യമാകും. യാത്രാതടസം നീങ്ങും. മേലധികാരികളുടെ അപ്രീതീയുണ്ടാകും. വാഗ്ദാനങ്ങൾ പാലിക്കാൻ ബുദ്ധിമുട്ടും. സാംക്രമിക രോഗങ്ങൾക്കെതിരെ മുൻകരുതലെടുക്കണം. കലഹവാസന നിയന്ത്രിക്കണം. ഭാഗ്യദിനം ഞായർ.

തിരുവോണം: ദാമ്പത്യ ജീവിതത്തിൽ സമാധാനമുണ്ടാകും. പ്രതീക്ഷിച്ച കാര്യങ്ങളിൽ ഫലം ലഭിക്കും. കുടുംബത്തിന്റെ പിന്തുണ ലഭിക്കുന്നില്ലെന്ന തോന്നലുണ്ടാകും. മാനസിക പിരിമുറുക്കം മാറും. ന്യായമായ ആവശ്യങ്ങൾക്ക് പണം വന്നെത്തും. തീർത്ഥാടനം നടത്തും. ഭാഗ്യദിനം ബുധൻ.

അവിട്ടം: പിതാവിന് പ്രശസ്തിയും അംഗീകാരവും വന്നുചേരും. സമ്മിശ്ര ഫലങ്ങളുണ്ടാകും. യാത്രകൾകൊണ്ട് കാര്യസിദ്ധിയുണ്ടാകും. ധനപരമായി ഉയർച്ചയുണ്ടാകും. സർക്കാരിൽ നിന്നു ലഭിക്കേണ്ട അനുമതി കൈവരും. തീരുമാനങ്ങൾ ബുദ്ധിപരമായിരിക്കും. ഭാഗ്യദിനം ഞായർ.

ചതയം: അദ്ധ്വാനത്തിന്റെ ഫലം വന്നുചേരും. ന്യായമായ ആവശ്യങ്ങൾക്ക് സാമ്പത്തിക ആനുകൂല്യമുണ്ടാകും. പ്രതീക്ഷിക്കാത്ത വ്യക്തികളിൽ നിന്ന് പിന്തുണ ലഭിക്കും. കിടപ്പുരോഗികൾക്ക് ആശ്വാസം. ജീവിതത്തിൽ സമാധാനമുണ്ടാകും. ഗൃഹോപകരണങ്ങൾ വാങ്ങും. ഭാഗ്യദിനം ചൊവ്വ.

പൂരുരുട്ടാതി: ആഗ്രഹിച്ച വസ്തുക്കൾ സമ്മാനമായി ലഭിക്കും. മാനസിക പിരിമുറക്കം കുറയും. സുഹൃത്തുക്കളുമായി ഒത്തുചേരൽ സന്തോഷത്തിന് കാരണമാകും. മാതാവിന്റെ ആരോഗ്യസ്ഥിതി മെച്ചപ്പെടും. കുടുംബാംഗങ്ങളോട് കലഹിക്കാനിടയുണ്ട്. ഭാഗ്യദിനം വെള്ളി.

ഉത്രട്ടാതി: സർക്കാർ കാര്യങ്ങളിൽ അനുകൂല മറുപടി ലഭിക്കും. മനോബലവും ഉത്സാഹവും കൂടും. വിദേശത്തു നിന്ന് ശുഭവാർത്തകൾ വന്നെത്തും. വാഹനം ഉപയോഗിക്കുന്നതിൽ ശ്രദ്ധ വേണം. കർമ്മരംഗത്ത് ഉന്മേഷം പ്രകടമാകും. ഭാഗ്യദിനം തിങ്കൾ.

രേവതി: കലാപരമായി അനുകൂലസമയം. ദമ്പതികൾക്കിടയിൽ പൊരുത്തക്കേടുകളുണ്ടാകും. അഭിമുഖങ്ങളിലും മത്സരങ്ങളിലും വിജയിക്കും. ബന്ധുക്കളുടെ പിണക്കം മാറും. തർക്കവിഷയത്തിൽ അനുകൂലതീരുമാനം. ആഡംബര വസ്തുക്കൾ നേടും. ഭാഗ്യദിനം ബുധൻ.