വാടാനപ്പിള്ളി : തട്ടുകടയുടെ മറവിൽ അനധികൃത പുകയില ഉത്പ്പന്നങ്ങൾ വിൽപ്പന നടത്തിയയാളെ എക്സൈസ് സംഘം പിടികൂടി. വാടാനപ്പിള്ളി ചിലങ്ക സെന്ററിൽ തട്ടുകടയുടെ മറവിൽ ഹാൻസ് വിൽപ്പന നടത്തിയ ബീഹാർ സ്വദേശി ധർമ്മേഷ് കുമാർ (32) ആണ് പിടിയിലായത്. അന്യസംസ്ഥാന തൊഴിലാളികൾ ഉൾപ്പെടെയുള്ളവർക്ക് വ്യാപകമായ രീതിയിൽ ഹാൻസ് വിൽപ്പന നടത്തുകയായിരുന്നു പ്രതി. ഇയാളിൽ നിന്ന് അഞ്ചു കിലോയിൽ അധികം വരുന്ന അനധികൃത പുകയില ഉത്പ്പന്നങ്ങൾ പിടികൂടി. പ്രതിയിൽ നിന്ന് പിഴ ഈടാക്കി ജാമ്യത്തിൽ വിട്ടു. ഓണം സ്പെഷ്യൽ ഡ്രൈവിനോട് അനുബന്ധിച്ച് വാടാനപ്പിള്ളി എക്സൈസ് സംഘം നടത്തിയ പ്രത്യേക പെട്രോളിംഗിലാണ് ഇയാളെ പിടികൂടിയത്. എക്സൈസ് ഓഫീസർ വി.ജി. സുനിൽകുമാർ, പ്രിവന്റീവ് ഓഫീസർ കെ.ആർ. ഹരിദാസ്, സിവിൽ എക്സൈസ് ഉദ്യോഗസ്ഥർ കെ.വി. രാജേഷ്, കെ. രഞ്ജിത്ത്, ഡ്രൈവർ രാജേഷ് എന്നിവർ പങ്കെടുത്തു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |