101 കാറുകളുടെ ഡെലിവറിയുമായി ഫോക്‌സ്‌വാഗൺ

കൊച്ചി: മലയാള പുതുവർഷത്തിലെ ആദ്യ ദിനമായ ചിങ്ങം ഒന്നിന് കേരളത്തിൽ 101 കാറുകൾ ഉപഭോക്താക്കൾക്ക് ഡെലിവറി നൽകി ഫോക്‌സ്‌വാഗൺ പാസഞ്ചർ കാർസ് ഇന്ത്യ ചരിത്രം സൃഷ്‌ടിച്ചു. ഫോക്‌സ്‌വാഗൺ ബ്രാൻഡിനോടുള്ള ഉപഭോക്താക്കളുടെ വിശ്വാസവും ആവേശവും പ്രദർശിപ്പിച്ച മെഗാ ഡെലിവറി ഇവന്റിൽ കേരള വിപണിയിലെ ബ്രാൻഡിന്റെ ശക്തമായ സാന്നിദ്ധ്യം ഉറപ്പാക്കാനായി. പുതുതായി പുറത്തിറക്കിയ ഓണം സ്പെഷ്യൽ എഡിഷൻ മോഡലുകളായ ടൈഗൺ, വിർട്‌സ് എന്നിവയുടെ 55 ബുക്കിംഗുകൾ ലോഞ്ച് ചെയ്ത് വെറും 10 ദിവസങ്ങൾക്കുള്ളിൽ നേടാൻ ഫോക്‌സ്‌വാഗൺ കേരളയ്ക്ക് കഴിഞ്ഞിരുന്നു. ഇന്ത്യയിൽ ഫോക്‌സ്‌വാഗൺ നൽകുന്ന വാഗ്ദാനങ്ങളോടുള്ള വർദ്ധിക്കുന്ന ജനപ്രീതിയെയും വൈവിദ്ധ്യമാർന്ന ഉപഭോക്തൃ അടിത്തറയും പ്രതിഫലിപ്പിക്കുന്നതാണ് ഈ വിജയകരമായ ബുക്കിംഗെന്ന് കമ്പനി വക്താവ് പറഞ്ഞു.