ഈ നാളുകാർക്ക് സർക്കാർ ഉദ്യോഗം ലഭിക്കും; ഒപ്പം പുതിയ വാഹനം വാങ്ങാനും യോഗം

അശ്വതി: യാത്രകൾ ഗുണകരമാകും. മനസിനിണങ്ങിയ വ്യക്തികളുമായി സൗഹൃദമുണ്ടാകും. വിദ്യാർത്ഥികളുടെ ഉപരിപഠനത്തിലെ ആശങ്കകൾ തുടരും. വിദേശപഠനം, തൊഴിൽ എന്നിവയ്ക്ക് സാദ്ധ്യത. കുടുംബസൗഖ്യമുണ്ടാകും. വിവാഹതടസം മാറും. ഭാഗ്യദിനം തിങ്കൾ.

ഭരണി: പരീക്ഷകളിൽ വിജയം. സർക്കാർ ധനസഹായം ലഭിക്കും. കൂടപ്പിറപ്പുകളുടെ സഹകരണമുണ്ടാകും. കർമ്മരംഗത്ത് തടസം. ഇടപാടുകളിൽ കരുതൽ വേണം. ആഗ്രഹിച്ച സ്ഥലംമാറ്റം ലഭിക്കും. സാമ്പത്തിക പ്രയാസങ്ങൾ നീങ്ങും. ഭാഗ്യദിനം ബുധൻ.

കാർത്തിക: ഭൂമിയിൽ നിന്ന് ലാഭമുണ്ടാകും. പുതിയ വാഹനം വാങ്ങാനാകും. കിടപ്പുരോഗികൾക്ക് ചികിത്സ ഫലിക്കും. നിലപാടുകളിൽ അയഞ്ഞ മട്ടു പുലർത്തും. തൊഴിൽ തേടുന്നവർക്ക് അനുകൂല സമയം. പങ്കാളിയുമായുള്ള ഭിന്നതകൾ പരിഹരിക്കും. ഭാഗ്യദിനം വ്യാഴം.

രോഹിണി: പരീക്ഷകളിലും മത്സരങ്ങളിലും വിജയം. കലാരംഗത്ത് പ്രവർത്തിക്കുന്നവർക്ക് പുരസ്‌കാരങ്ങൾ ലഭിക്കും. കലഹ സന്ദർഭങ്ങളെ നയചാതുര്യത്തോടെ നേരിടും. വിദേശത്തു നിന്ന് ശുഭവാർത്ത എത്തും. ആരോഗ്യം തൃപ്തികരം. ഭാഗ്യദിനം ബുധൻ.

മകയിരം: ദാമ്പത്യം സമാധാനപൂർണമാകും. ദൂരസ്ഥലങ്ങളിലേക്ക് ട്രാൻസ്‌ഫറിന് സാദ്ധ്യത. സാമ്പത്തികമായി മെച്ചപ്പെടും. ഊഹക്കച്ചവടത്തിൽ ലാഭം. സുഹൃത്തുക്കൾക്കൊപ്പം വിനോദയാത്ര നടത്തും. കഴിവുകൾ അംഗീകരിക്കപ്പെടും. പദവികൾ തേടിവരും. ഭാഗ്യദിനം ഞായർ.

തിരുവാതിര: വീടുമാറ്റമോ തൊഴിൽ മാറ്റമോ പ്രതീക്ഷിക്കാം. ധനപരമായി നേട്ടങ്ങളുണ്ടാകും. കടബാദ്ധ്യത പരിഹരിക്കും. ഭൂമിയുടെ ക്രയവിക്രയം നീണ്ടുപോകാം. മേലധികാരികളുടെ പ്രീതി സമ്പാദിക്കും. ഗൃഹത്തിൽ മംഗളകർമ്മങ്ങൾ നടക്കും. ഭാഗ്യദിനം ശനി.

പുണർതം: വിദേശതൊഴിലിന് സാദ്ധ്യത. യാത്രകൾ ഫലവത്താകും. പരീക്ഷകളിൽ വിജയം നേടും. ദാമ്പത്യജീവിതം ശുഭകരമാകും. വസ്തുക്കളുടെ ക്രയവിക്രയം മന്ദീഭവിക്കും. വീട് നിർമ്മാണത്തെക്കുറിച്ച് വീണ്ടും ചിന്തിക്കും. കരാറുകൾ പുതുക്കും. ഭാഗ്യദിനം ചൊവ്വ.

പൂയം: സർക്കാർ ആനുകൂല്യങ്ങൾ കൈവശം വന്നുചേരും. കലഹപ്രേരണ ഉടലെടുക്കും. മക്കളുടെ കാര്യത്തിൽ നല്ല തീരുമാനങ്ങൾ കൈക്കൊള്ളും. ചെറു സംരംഭങ്ങൾക്ക് വായ്പ ലഭിക്കും. വിദേശയാത്രാ തടസങ്ങൾ മാറും. ഭാഗ്യദിനം വെള്ളി.

ആയില്യം: ധനപരമായി ഉയർച്ചയുണ്ടാകും. എല്ലാ കാര്യത്തിലും ഭാഗ്യം തുണയ്ക്കും. ക്ഷേത്രദർശനത്തിന് സമയം കണ്ടെത്തും. മാറ്റിവച്ചിരുന്ന പദ്ധതികൾ പുനരവതരിപ്പിക്കും. സഹോദര പിന്തുണ ലഭിക്കും. സഹായങ്ങൾ ഉദാരമായി ചെയ്യും. ഭാഗ്യദിനം വ്യാഴം.

മകം: ഉദ്യോഗസ്ഥർക്ക്‌ സ്ഥാനക്കയറ്റവും ശമ്പളവർദ്ധനവും ഉണ്ടാകും. ബന്ധുക്കളുമായുള്ള ഭിന്നത പരിഹരിക്കും. പ്രണയ സാക്ഷാത്കാരത്തിന് കാത്തിരിപ്പ് വേണ്ടി വരാം. പ്രവാസജീവിതം നയിക്കുന്നവർ മടങ്ങിയെത്തും. ഭാഗ്യദിനം ശനി.

പൂരം: കച്ചവടത്തിലും കൃഷിയിലും ലാഭമുണ്ടാകും. ആഡംബര വസ്തുക്കൾ വാങ്ങും. കുടുംബപ്രശ്നങ്ങൾ ചർച്ചയിലൂടെ പരിഹരിക്കും. ഉന്നത പഠനത്തിന് അന്യനാട്ടിൽ പോകേണ്ടിവരും. മക്കളുടെ വിവാഹ തീരുമാനമുണ്ടായേക്കും. ഭാഗ്യദിനം ബുധൻ.

ഉത്രം: നല്ല സൗഹൃദങ്ങൾ നിലനിറുത്താൻ ശ്രമിക്കും. വീട് മോടിപിടിപ്പിക്കും. ആരോഗ്യപ്രശ്നങ്ങൾ അലട്ടും. സാമ്പത്തികരംഗം സന്തുലിതമായിരിക്കും. ഉറച്ച നിലപാടുകൾ കൈക്കൊള്ളാൻ ശ്രമിക്കും.വേണ്ടപ്പെട്ടവരിലൂടെ തൊഴിലവസരങ്ങൾ ലഭിക്കും. ഭാഗ്യദിനം ഞായർ.

അത്തം: കലാകാരന്മാർ കീർത്തിയുള്ളവരാകും. സത്ക്കർമ്മങ്ങൾക്കായി ചെലവ് വർദ്ധിക്കും. ദാമ്പത്യത്തിലെ അഭിപ്രായവ്യത്യാസങ്ങൾ പറഞ്ഞുതീർക്കും. നേത്രരോഗങ്ങൾ ശല്യകാരികളായേക്കും. വിവാഹത്തിനുള്ള കാത്തിരിപ്പിന് അറുതിയാകും. ഭാഗ്യദിനം വെള്ളി.

ചിത്തിര: ഉത്തരവാദിത്വമുള്ള ചുമതലകൾ ഏറ്റെടുക്കും. ആസൂത്രണ മികവിലൂടെ നേട്ടങ്ങൾ സ്വന്തമാക്കും. പാരമ്പര്യ സ്വത്തിന്മേലുള്ള തർക്കം പരിഹരിക്കും. കുടുംബാംഗങ്ങളുടെ ഇടയിലെ അനൈക്യം പരിഹരിക്കും. നല്ല സുഹൃത്തുക്കളെ ലഭിക്കും. ഭാഗ്യദിനം തിങ്കൾ.

ചോതി: ജീവിതനിലവാരം ഉയരും. പൊതുകാര്യങ്ങളിൽ വിജയിക്കും. സാമൂഹിക സംഘടനകളുമായി ദൃഢബന്ധം പുലർത്തും. പകർച്ചവ്യാധികൾ പിടിപെടാൻ സാദ്ധ്യത. സൽപ്പേരിന് കളങ്കമേൽക്കാതെ സൂക്ഷിക്കണം. പരീക്ഷയിൽ ഉന്നവിജയം. ഭാഗ്യദിനം വെള്ളി.

വിശാഖം: ദൂരയാത്രകൾ ഗുണകരമാകും. കാര്യവിജയമുണ്ടാകും. സാമൂഹിക സംഘടനകളുമായി ദൃഢബന്ധം പുലർത്തും. കുടുംബജീവിതത്തിൽ അസ്വാരസ്യങ്ങളുണ്ടായേക്കും. സാമ്പത്തികം മെച്ചപ്പെടും. പുതിയ ആശയങ്ങൾ നടപ്പിലാക്കും. ഭാഗ്യദിനം ബുധൻ.

അനിഴം: അധികാരികളുടെ പ്രീതി നേടും. കിട്ടാക്കടങ്ങൾ മടക്കിക്കിട്ടും. സംസാരത്തിൽ സൂക്ഷ്മത പുലർത്തണം. ആരോഗ്യകാര്യത്തിൽ ശ്രദ്ധ വേണം. സഹപ്രവർത്തകരുടെ വിശ്വാസം നേടും. വൃദ്ധജനങ്ങളുടെ അനുഗ്രഹമുണ്ടാകും. ഭാഗ്യദിനം തിങ്കൾ.

തൃക്കേട്ട: കലാരംഗത്തുള്ളവർ അനുമോദിക്കപ്പെടും. പുതിയ വാഹനം വാങ്ങാൻ തീരുമാനിക്കും. നഷ്ടപ്പെട്ട വസ്തുക്കൾ കണ്ടെത്തും. സന്താനങ്ങളുടെ നേട്ടം സന്തോഷം നൽകും. ഔദ്യോഗിക രംഗത്ത് അംഗീകാരങ്ങൾ നേടാനാകും. ഭാഗ്യദിനം ഞായർ.

മൂലം: കുടുംബത്തിലെ അസ്വാരസ്യങ്ങൾ പരിഹരിക്കപ്പെടും. മാതാവിന്റെ ആരോഗ്യസ്ഥിതി മെച്ചപ്പെടും. എല്ലാ കാര്യത്തിലും സുഹൃത്തുക്കളുടെ പിന്തുണയുണ്ടാകും. കുടുംബത്തോടൊപ്പം തീർത്ഥാടനം നടത്തും. പകർവ്യാധികളെ സൂക്ഷിക്കണം. ഭാഗ്യദിനം വെള്ളി.

പൂരാടം: വിദേശയാത്രകൾക്ക് അനുമതി ലഭിക്കും. പ്രവാസികൾക്ക് മെച്ചപ്പെട്ട വേതന വ്യവസ്ഥകൾ കൈവരും. ആഡംബരവസ്തുക്കൾ വാങ്ങും. അധികാര സ്ഥാനത്തുള്ളവരുടെ പ്രീതി നേടും. ആത്മീയ കാര്യങ്ങളിൽ താല്പര്യം വർദ്ധിക്കും. ഭാഗ്യദിനം ബുധൻ.

ഉത്രാടം: കുടുംബത്തിൽ മംഗളകർമ്മങ്ങൾ നടക്കും. വസ്തുക്കൾ വിൽക്കാനുള്ള ശ്രമം വിജയിക്കും. ഉപരിപഠനത്തിൽ വൈഷമ്യങ്ങൾ അനുഭവപ്പെടാം. ആത്മീയ കാര്യങ്ങൾക്ക് സമയം കണ്ടെത്തും. തൊഴിൽ മാറ്റത്തിനു ശ്രമിച്ചാൽ നടക്കും. ഭാഗ്യദിനം തിങ്കൾ.

തിരുവോണം: പുതിയ വരുമാന മാർഗങ്ങൾ കണ്ടെത്തും. നേതൃപദവി തുടരും. ഇഷ്ടപ്പെട്ടവരെ വീണ്ടും കാണാൻ അവസരം ലഭിക്കും. രോഗകാര്യങ്ങളിൽ ആശ്വാസമുണ്ടാകും. കേസുകളും തർക്കങ്ങളിലും അനുകൂല വിധിയുണ്ടാകും. ഭാഗ്യദിനം ഞായർ.

അവിട്ടം: എല്ലാ കാര്യങ്ങളിലും വിജയമുണ്ടാകും. യാത്രകൾ വർദ്ധിക്കും. സാമ്പത്തികസ്ഥിതി ആശങ്കയുണ്ടാക്കും. സന്താനങ്ങളുടെ സാമീപ്യം ആശ്വാസമേകും. തർക്കങ്ങളിൽ സംയമനം പാലിക്കണം. ആരോഗ്യം തൃപ്തികരം. മനോബലം വീണ്ടെടുക്കും. ഭാഗ്യദിനം തിങ്കൾ.

ചതയം: മാനസികവും സാമ്പത്തികവുമായ ബുദ്ധിമുട്ടുകൾ മാറും. അധികാരികളുടെ പിന്തുണ ലഭിക്കും. ബന്ധുക്കളുടെ പിണക്കം മാറും. വിനോദയാത്രകൾ നടത്തും. കച്ചവടത്തിൽ ലാഭം. ആത്മീയകാര്യങ്ങളിൽ താല്പര്യമുണ്ടാകും. ഭാഗ്യദിനം വെള്ളി.

പൂരുരുട്ടാതി: ജോലിയിൽ ഉയർച്ചയുണ്ടാകും. മാനസികോന്മേഷമുണ്ടാക്കുന്ന അനുഭവങ്ങൾ വന്നുചേരും. നിക്ഷേപങ്ങളിൽ നേട്ടം. ഉന്നതപഠനത്തിന് സമയം അനുകൂലം. രോഗങ്ങളിൽ നിന്ന് മോചനം. സർക്കാർ വായ്പകൾ ലഭിക്കും. വിദേശയാത്ര സാദ്ധ്യമാകും. ഭാഗ്യദിനം തിങ്കൾ.

ഉത്രട്ടാതി: ജീവിതത്തിൽ ശുഭകാര്യങ്ങൾ നടക്കും. ആശയക്കുഴപ്പങ്ങൾക്ക് വിരാമമാകും. പിതൃസ്വത്തിന്മേൽ അവകാശം കൈവരും. സഹോദരനുമായുള്ള കലഹം പരിഹരിക്കും. കഠിനപ്രയത്നത്തിലൂടെ ലക്ഷ്യങ്ങൾ നേടും. ധനപരമായി കൂടുതൽ ശ്രദ്ധവേണം. ഭാഗ്യദിനം വെള്ളി.

രേവതി: വീട്ടിൽ നിന്ന് അകന്നു നിൽക്കേണ്ട സാഹചര്യമുണ്ടാകും. പദവികൾ താത്ക്കാലികമായെങ്കിലും ഒഴിയേണ്ടിവരും. രാഷ്ട്രീയത്തിൽ ആരോപണം നേരിടും. ആത്മീയ സാധനകൾക്ക് സമയം ചെലവഴിക്കും. ചികിത്സാ രീതിയിലെ മാറ്റം രോഗശാന്തിയുണ്ടാക്കും. ഭാഗ്യദിനം ഞായർ.