'ഓലക്കൊടി' പ്രകാശനം ചെയ്തു

ചാലിയം : ചാലിയം ഉമ്പിച്ചി ഹാജി ഹയർ സെക്കൻഡറി സ്കൂളിലെ 9-ാം ക്ലാസ് വിദ്യാർത്ഥിനി ലക്ഷ്മി പ്രസൂൺ രചിച്ച " ഓലക്കൊടി" കവിതാ സമാഹാരം എഴുത്തുകാരൻ ഡോ. ശരത് മണ്ണൂർ പ്രകാശനം ചെയ്തു . വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ നടന്ന ചടങ്ങിൽ പ്രധാനാദ്ധ്യാപകൻ കെ.അബ്ദുൽ ജലീൽ അദ്ധ്യക്ഷത വഹിച്ചു. സ്കൂൾ മാനേജിംഗ് കമ്മിറ്റി ജോ. സെക്രട്ടറി പി.ബി ലിറാർ പുസ്തകം ഏറ്റുവാങ്ങി. എഴുത്തുകാരൻ എം .എ ബഷീർ പുസ്തകം പരിചയപ്പെടുത്തി. ​ പി .ടി. എ പ്രസിഡന്റ് പി .ടി അബ്ദുൽ റഷീദ്, അദ്ധ്യാപിക സി .എസ് ബിന്ദു, കലാ സാഹിത്യ വേദി കൺവിനർ​ കെ .മുഹമ്മദ് ബഷീർ, സുദീപ് തെക്കേപ്പാട്ട്, എഴുത്തുകാരായ വിജയകുമാർ പൂതേരി, പി .പി രാമചന്ദ്രൻ, ലക്ഷ്മി പ്രസൂൺ എന്നിവർ പ്രസംഗിച്ചു. സ്റ്റാഫ് സെക്രട്ടറി എം.സി രഹാന സ്വാഗതവും വിദ്യാരംഗം കലാ സാഹിത്യ​ വേദി കൺവിനർ കെ.ടി സജീഹ നന്ദിയും പറഞ്ഞു.