ഒറ്റ രാത്രി കൊച്ചിയിൽ 27 മയക്കുമരുന്ന് കേസുകൾ

കൊച്ചി: ശനിയാഴ്ച രാത്രി കൊച്ചി നഗരത്തിൽ പൊലീസ് നടത്തിയ പരിശോധനകളിൽ 27മയക്കുമരുന്നു കേസുകൾ . മദ്യപിച്ച് വാഹനമോടിച്ച 72 പേരും പിടിയിലായി.

തോപ്പുംപടി രാമേശ്വരം ലോറെറ്റോ സ്കൂൾ റോഡിന് സമീപം താമസിക്കുന്ന ടി.കെ. അരുൺകുമാർ ( 33), കലൂർ മണപ്പാട്ടിപ്പറമ്പിൽ താമസിക്കുന്ന വയനാട് മേപ്പാടി സ്വദേശി മുഹമ്മദ് സനൂബ് (33) എന്നിവരെ എം.ഡി.എം.എയുമായി അറസ്റ്റ് ചെയ്തു. അരുൺകുമാറിൽ നിന്ന് 13.05 ഗ്രാം, മുഹമ്മദ് സനൂബിൽ നിന്ന് 10.45 ഗ്രാം എം.ഡി.എം.എ പിടികൂടി. കലൂർ എസ്.ആർ.എം റോഡിൽ നിന്നാണ് സനൂബ് പിടിയിലായത്.