ബഡ്സ് സ്‌കൂൾ ഒന്നാംനില കെട്ടിടം മന്ത്രി നാടിന് സമർപ്പിച്ചു

കണ്ണപുരം: കണ്ണപുരം ചുണ്ട ബഡ്സ് സ്‌കൂളിന്റെ ഒന്നാം നില കെട്ടിടം തദ്ദേശ സ്വയംഭരണ എക്‌സൈസ് വകുപ്പ് മന്ത്രി എം.ബി രാജേഷ് ഉദ്ഘാടനം ചെയ്തു.എം. വിജിൻ എം.എൽ.എ അദ്ധ്യക്ഷത വഹിച്ചു.കണ്ണൂർ ജില്ലാപഞ്ചായത്ത് മുഖാന്തിരം ഇന്ത്യൻ ഓയിൽ കോർപറേഷന്റെ 65 ലക്ഷം രൂപയുടെ പൊതുനന്മ ഫണ്ടുപയോഗിച്ചാണ് കെട്ടിടത്തിന്റെ ഒന്നാം നില നിർമിച്ചിട്ടുള്ളത്. ജില്ലാപഞ്ചായത്ത് പ്രസിഡന്റ് അഡ്വ. കെ.കെ.രത്നകുമാരി, കുടുംബശ്രീ ജില്ലാമിഷൻ ഡി.എം.സി എം.വി.ജയൻ എന്നിവർ മുഖ്യാതിഥികളായി.കണ്ണപുരം ഗ്രാമപഞ്ചായത്ത് പ്രസിഡന്റ് കെ.രതി, വൈസ് പ്രസിഡന്റ് എം.ഗണേശൻ, കല്ല്യാശ്ശേരി ഗ്രാമപഞ്ചായത്ത് ക്ഷേമകാര്യ സ്ഥിരം സമിതി ചെയർപേഴ്സൺ പ്രേമ സുരേന്ദ്രൻ, കണ്ണപുരം ഗ്രാമപഞ്ചായത്ത് ക്ഷേമകാര്യ സ്ഥിരം സമിതി ചെയർമാൻ എ.വിുപ്രഭാകരൻ, വാർഡ് മെമ്പർ ഒ.വിുവിജയൻ, കണ്ണപുരം ഗ്രാമപഞ്ചായത്ത് സെക്രട്ടറി പി.ബാബുരാജ്, കെ.സി സി പി.എൽ എം.ഡി ആനക്കൈ ബാലകൃഷ്ണൻ, കെ.വി.രാമകൃഷ്ണൻ, ടി.വി.പവിത്രൻ, വി.സുനില, എ.കൃഷ്ണൻ, ഇ.നീതു തുടങ്ങിയവർ പരിപാടിയിൽ പങ്കെടുത്തു.