ഏരീസ് ഇൻഫ്ര സൊല്യൂഷൻസ് ഐ.പി.ഒ 18 മുതൽ

കൊച്ചി: ഏരീസ് ഇൻഫ്ര സൊല്യൂഷൻസ് ലിമിറ്റഡിന്റെ പ്രാഥമിക ഓഹരി വിൽപ്പന (ഐ.പി.ഒ) ജൂൺ 18 മുതൽ 20 വരെ നടക്കും. ഐ.പി.ഒയിലൂടെ 499.59 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്. ഇത്രയും തുകയുടെ പുതിയ ഓഹരികളാണ് ഐ.പി.ഒയിൽ ഉൾപ്പെടുത്തിയിരിക്കുന്നത്. രണ്ട് രൂപ മുഖവിലയുള്ള ഓഹരി ഒന്നിന് 210 രൂപ മുതൽ 222 രൂപ വരെയാണ് പ്രൈസ് ബാൻഡ് നിശ്ചയിച്ചിരിക്കുന്നത്. കുറഞ്ഞത് 67 ഇക്വിറ്റി ഓഹരികൾക്കും തുടർന്ന് 67 ന്റെ ഗുണിതങ്ങൾക്കും അപേക്ഷിക്കാം. ഓഹരികൾ എൻ.എസ്.ഇയിൽ ലിസ്റ്റ് ചെയ്യും. ജെ.എം ഫിനാൻഷ്യൽ, ഐ.ഐ.എഫ്.എൽ ക്യാപിറ്റൽ സർവീസസ് ലിമിറ്റഡ്, നുവാമ വെൽത്ത് മാനേജ്മെന്റ് ലിമിറ്റഡ് എന്നിവരാണ് ഐ.പി.ഒയുടെ ബുക്ക് റണ്ണിംഗ് ലീഡ് മാനേജർമാർ.