പെട്രോൾ ഊറ്റുന്ന സംഘം സജീവം

കളമശേരി: വട്ടേക്കുന്നം, മുട്ടാർ മേഖലകളിലെ വർക്ക് ഷോപ്പി​​ൽ അറ്റകുറ്റപ്പണി​ക്കായി​ വയ്ക്കുന്ന ഇരുചക്ര വാഹനങ്ങളിൽനിന്ന് പെട്രോൾ ഊറ്റുന്ന സംഘം സജീവം. ഇന്നലെ രാവിലെ ബൈക്കുകൾ സ്റ്റാർട്ട് ചെയ്തപ്പോഴാണ് വാഹനങ്ങളിലെ പെട്രോൾ നഷ്ടപ്പെട്ട വിവരം മനസ്സിലാകുന്നത്. രണ്ടുപേർ ബൈക്കിലെത്തി​ വീടും പരിസരവും നിരീക്ഷിച്ചശേഷം പെട്രോൾ മോഷ്ടിക്കുന്നത് സി.സിടിവിയിൽ പതിഞ്ഞിട്ടുണ്ട്. കഴിഞ്ഞദിവസമാണ് വട്ടേക്കുന്നം മുട്ടാർ വായനശാലയ്ക്ക് സമീപം വച്ചിരുന്ന ബൈക്ക് മോഷണംപോയത്.