അഞ്ചലിൽ ഗവർണർക്ക് നേരെ കരിങ്കൊടി

അഞ്ചൽ: കഴിഞ്ഞ ദിവസം അഞ്ചൽ വഴി കടന്നുപോയ കേരള ഗർണർ രാജേന്ദ്ര ആർലേക്കർക്കെതിരെ ഡി.വൈ.എഫ്.ഐ പ്രവർത്തകർ കരിങ്കൊടി കാണിച്ചു. വൈകിട്ട് 5 ഓടെ അഞ്ചൽ ബൈപ്പാസിൽ കോളറ പാലത്തിന് സമീപമാണ് കരിങ്കൊടി കാണിച്ചത്. പ്രതിഷേധമുണ്ടാകുമെന്ന രഹസ്യ വിവരത്തെ തുടർന്ന് നേരത്തെ ഏതാനം ഡി.വൈ.എഫ്.ഐ പ്രവർത്തകരെ പൊലീസ് കസ്റ്റഡിയിലെടുത്തിരുന്നു. ഗവർണർ കടന്നുപോയശേഷമാണ് ഇവരെ വിട്ടയച്ചത്. പത്തനംതിട്ടയിൽ നിന്ന് തിരുവനന്തപുരത്തേയ്ക്ക് പോവുകയായിരുന്നു. വൻ പൊലീസ് അകമ്പടിയോടെയാണ് ഗവർണർ കടന്നുപോയത്.