ശ്രീശൈലം ദേവസ്ഥാനം ക്ഷേത്രത്തിൽ നിന്ന് പ്രസാദമായി ലഭിച്ച ലഡുവിനുളളിൽ ചത്ത പാറ്റ; ആരോപണം നിഷേധിച്ച് അധികൃതർ

ന്യൂഡൽഹി: ആന്ധ്രാപ്രദേശിലെ ശ്രീശൈലം ദേവസ്ഥാനം ക്ഷേത്രത്തിൽ നിന്ന് ലഭിച്ച പ്രസാദത്തിൽ ചത്ത പാ​റ്റയെ കണ്ടെത്തിയെന്ന് ആരോപണം. ക്ഷേത്രത്തിൽ നിന്ന് ഒരു ഭക്തന് ലഭിച്ച ലഡുവിനുളളിലാണ് പാ​റ്റയെ കണ്ടെത്തിയത്. ഇതിന്റെ ചിത്രങ്ങളും വീഡിയോകളും ശരശ്ചന്ദ്ര കെ എന്ന വ്യക്തിയാണ് സോഷ്യൽ മീഡിയയിൽ പങ്കുവച്ചത്. ഇത് കടുത്ത പ്രതിഷേധനങ്ങൾക്ക് കാരണമായിരിക്കുകയാണ്. കഴിഞ്ഞ ദിവസമായിരുന്നു സംഭവം.

ലഡു രണ്ടായി മുറിച്ച് ചത്ത പാ​റ്റയെ പുറത്തെടുക്കുന്ന വീഡിയോയാണ് സോഷ്യൽ മീഡിയയിൽ പോസ്​റ്റ് ചെയ്തിരിക്കുന്നത്. സംഭവത്തിൽ യുവാവ് ക്ഷേത്രത്തിന്റെ എക്സിക്യൂട്ടീവ് ഓഫീസർക്ക് പരാതി നൽകി. അശ്രദ്ധയോടെയാണ് ജീവനക്കാർ പ്രസാദം ഉണ്ടാക്കിയതെന്നാണ് ശരശ്ചന്ദ്ര പരാതിയിൽ വ്യക്തമാക്കിയിരിക്കുന്നത്. താൻ ഞായറാഴ്ച ക്ഷേത്രം സന്ദർശിച്ചിരുന്നു. പ്രസാദമായി ലഭിച്ച ലഡുവിൽ നിന്ന് ചത്ത പാ​റ്റയെ കണ്ടെത്തുകയായിരുന്നു. ഈ പ്രശ്നം ദയവായി പരിഹരിക്കണമെന്നും പരാതിയിൽ വ്യക്തമാക്കിയിട്ടുണ്ട്.

శ్రీశైలం లడ్డు ప్రసాదంలో బొద్దింక కలకలం

ప్రసాదాల కౌంటర్ వద్ద భక్తుల ఆందోళన

ఇదేంటని ప్రశ్నించిన భక్తుడి నుంచి లడ్డు లాక్కున్న అధికారులు

ప్రసాదంలో బొద్దింక వ్యవహారంపై స్పందించిన ఆలయ ఈవో శ్రీనివాసరావు

ఈ ఘటన నిజంగా జరిగిందా లేదా ఎవరైనా కావాలనే దుష్ప్రచారం చేస్తున్నారనే దానిపై… pic.twitter.com/w5Ku6bwwbw

— Telugu Scribe (@TeluguScribe) June 29, 2025

തൊട്ടുപിന്നാലെത്തന്നെ ക്ഷേത്രം അധികൃതർ സംഭവത്തിൽ വിശദീകരണം നൽകി. ക്ഷേത്രത്തിൽ ശുചിത്വം പാലിച്ച് കൃത്യമായ രീതിയിലാണ് ലഡു തയ്യാറാക്കുന്നത്. ജീവനക്കാരുടെ കൃത്യമായ മേൽനോട്ടവും ഉണ്ടായിരുന്നു. അതിൽ നിന്ന് പാ​റ്റയെ കണ്ടെത്താൻ യാതൊരു സാദ്ധ്യതയുമില്ലെന്ന് ശ്രീശൈലം ദേവസ്ഥാനം ക്ഷേത്രത്തിലെ എക്സിക്യൂട്ടീവ് ഓഫീസർ ശ്രീനിവാസ റാവു പ്രതികരിച്ചു. പ്രസാദത്തെക്കുറിച്ച് ഭക്തർ ആശങ്കപ്പെടേണ്ടതില്ലെന്നും അദ്ദേഹം വ്യക്തമാക്കി.