സാജ് നിവാസിൽ സന്തോഷത്തിരയിളക്കം

നീലേശ്വരം(കാസർകോട്) : കീം പരീക്ഷയിൽ എസ്.സി വിഭാഗത്തിൽ ഒന്നാം റാങ്ക് നേടിയ സന്തോഷത്തിലാണ് നീലേശ്വരം പേരോലിലെ സാജ് നിവാസിൽ ഹൃദിൻ എസ്.ബിജുവും കുടുംബവും. 561 മാർക്ക് നേടിയാണ് ഹൃദിൻ ഒന്നാം സ്ഥാനത്തെത്തിയത്. ജനറൽ വിഭാഗത്തിൽ 114-ാം സ്ഥാനമാണ്. കഴിഞ്ഞ വർഷം അറുന്നൂറിൽ 536 മാർക്കോടെ എസ്.സി വിഭാഗത്തിൽ രണ്ടാം റാങ്കും ജനറൽ വിഭാഗത്തിൽ 319-ാം റാങ്കുമായിരുന്നു. മദ്രാസ് ഐ.ഐ.ടി യിൽ ബിടെക് ഇലക്ട്രിലിൽ പ്രവേശനം നേടി നിൽക്കെയാണ് ഹൃദിനെ തേടി റാങ്ക് എത്തിയത്. കുസാറ്റ് എൻജിനീയറിംഗ് പ്രവേശന പരീക്ഷയിൽ ഹൃദിൻ എസ് ബിജു പട്ടികജാതി വിഭാഗത്തിൽ ഒന്നാം റാങ്കും ജനറൽ വിഭാഗത്തിൽ നാൽപതാം റാങ്കും ലഭിച്ചിരുന്നു.