വിവേകാനന്ദ സമാധാന പുരസ്‌കാരം മാതാ അമൃതാനന്ദമയി ദേവി ഏറ്റുവാങ്ങി

കൊല്ലം: വിവേകാനന്ദ ഇന്റർനാഷണൽ റിലേഷൻസ് ഏർപ്പെടുത്തിയ വിവേകാനന്ദ അന്താരാഷ്ട്ര സമാധാന പുരസ്‌കാരം മാതാ അമൃതാനന്ദമയി ദേവി ഏറ്റുവാങ്ങി. അമൃതപുരിയിൽ നടന്ന ചടങ്ങിൽ വിവേകാനന്ദ ഇന്റർനാഷണൽ റിലേഷൻസ് ഫൗണ്ടേഷൻ കൺവീനർ ഗഗൻ മഹോത്ര,മുഖ്യ രക്ഷാധികാരി രവികുമാർ അയ്യർ എന്നിവരിൽ നിന്നാണ് ഫലകവും പ്രശസ്തി പത്രവും ഏറ്റുവാങ്ങിയത്. അന്താരാഷ്ട്രതലത്തിൽ നടത്തിവരുന്ന പൊതുജനക്ഷേമ പ്രവർത്തനങ്ങൾ കണക്കിലെടുത്താണ് പുരസ്‌കാരം. തർപ്പൺ ഫൗണ്ടേഷൻ സി.ഇ.ഒ സരിക പന്ഹാൽകർ,സ്വാനാഥ് ഫൗണ്ടേഷൻ മാനേജിംഗ് ട്രസ്റ്റി ശ്രേയ ഭാരതീയ,ചക്ര ഫൗണ്ടേഷൻ ചെയർമാൻ എ. രാജശേഖരൻ തുടങ്ങിയവർ സംസാരിച്ചു.