ഹയർസെക്കൻഡറി തുല്യതാ പരീക്ഷ 10ന് ആരംഭിക്കും

കണ്ണൂർ: സംസ്ഥാന സാക്ഷരത മിഷൻ പൊതുവിദ്യാഭ്യാസ വകുപ്പുമായി ചേർന്ന് നടത്തുന്ന ഹയർ സെക്കൻഡറി തുല്യതാ പരീക്ഷ 10 ന് ആരംഭിക്കും. പതിനാറു കേന്ദ്രങ്ങളിലായി 1565 പേർ ഹ്യുമാനിറ്റീസ്, കൊമേഴ്സ് വിഷയങ്ങളിൽ പരീക്ഷ എഴുതും. പ്ലസ് വൺ തുല്യതാ പരീക്ഷ എഴുതുന്ന 630 പേരിൽ 474 സ്ത്രീകളും 156 പുരുഷന്മാരുമാണ്. പട്ടികജാതി വിഭാഗത്തിൽ 25 പേരും പട്ടികവർഗ വിഭാഗത്തിൽ ഒരാളും പരീക്ഷ എഴുതുന്നുണ്ട്. പ്ലസ് ടു തുല്യതാ പരീക്ഷ എഴുതുന്നത് 925 പേരാണ്. ഇതിൽ 733 സ്ത്രീകളും 192 പുരുഷന്മാരും ഉൾപ്പെടുന്നു. പട്ടികജാതി വിഭാഗത്തിൽപ്പെട്ട 34 പേരും പട്ടികവർഗ വിഭാഗത്തിൽപ്പെട്ട 16 പേരും ഈ പരീക്ഷ എഴുതും. ജി.എച്ച്.എസ്.എസ് ചാവശ്ശേരി, ഗവ.ബ്രണ്ണൻ എച്ച് .എസ്.എസ് തലശ്ശേരി, കെ.പി.ആർ.ജി.എച്ച്.എസ്.എസ് കല്യാശ്ശേരി, ജി.എച്ച്.എസ്.എസ് പള്ളിക്കുന്ന്, ജി.എച്ച്.എസ്.എസ് മാത്തിൽ, ജി.ബി.എച്ച്.എസ്.എസ് മാടായി, ജി.എച്ച്.എസ്.എസ് കൂത്തുപറമ്പ്, സീതീ സാഹിബ് എച്ച്.എസ്.എസ് തളിപ്പറമ്പ്, എച്ച്.എസ്.എസ് മട്ടന്നൂർ, മൂത്തേടത്ത് എച്ച്.എസ്.എസ് തളിപ്പറമ്പ് എന്നിവയാണ് പരീക്ഷാ കേന്ദ്രങ്ങൾ. പഠിതാക്കൾ ഈ സ്‌കൂളുകളിൽ നിന്നും ഹാൾടിക്കറ്റുകൾ കൈപ്പറ്റണം.