ബി.എസ്.എൻ.എൽ ഔട്ട് ഒഫ് റേഞ്ചാണ് !

മുഹമ്മ: ബി.എസ്.എൻ.എൽ മൊബൈൽ ഫോൺ ഉപഭോക്താക്കൾ ഏറെ നാളുകളായി ദുരിതത്തിലാണ്,​ പ്രത്യേകിച്ച് മുഹമ്മയിൽ.ഒരു അത്യാവശ്യക്കാര്യം

ഫോണിലൂടെ പറയുന്നതിനിടെ പലപ്രാവശ്യം കട്ടാകും.സംഭാഷണം പൂ‌ർത്തിയാക്കാൻ മൂന്നുതവണയെങ്കിലും വിളിക്കേണ്ടിവരും. തീപിടുത്തം പോലുള്ള അത്യാഹിതങ്ങളിൽ ഫയർഫോഴ്സിനെ വിളിച്ചാലും രോഗികളെ ആശുപത്രിയിലെത്തിക്കാൻ വാഹനം വിളിച്ചാലും കിട്ടില്ല. അടുത്തുനിക്കുന്നയാളെ വിളിച്ചുനോക്കിയാൽ ആൾ ഔട്ട് ഒഫ് റേഞ്ചാണെന്ന് പറയും. ചുരുക്കത്തിൽ,​ ബി.എസ്.എൻ.എൽ വരിക്കാർ ആകെ പെട്ടുപോയ അവസ്ഥയിലാണ്.

ബി.എസ്.എൻ.എല്ലിനോട് നാട്ടുകാർക്ക് ഒരു സ്നേഹമുണ്ട്. അതുകൊണ്ടാണ്

ലക്ഷക്കണക്കിന് വരിക്കാർ ഇപ്പോഴും തുടരുന്നത്. കാര്യക്ഷമത മെച്ചപ്പെടുത്തിയില്ലെങ്കിൽ സ്വകാര്യകമ്പനികളെ ആശ്രയിക്കേണ്ട അവസ്ഥയിലേക്ക്

കാര്യങ്ങൾ മാറുമെന്നാണ് മുഹമ്മയിലെ ഉപഭോക്താക്കൾ പറയുന്നത്. എത്രയും വേഗം ടവറിന്റെ ശേഷി വർദ്ധിപ്പിക്കുകയോ,​ കൂടുതൽ ടവറുകൾ സ്ഥാപിക്കുകയോ വേണമെന്നതാണ് അവരുടെ ആവശ്യം.