അടുക്കളത്തോട്ടം പദ്ധതി

കോലഞ്ചേരി: മഴുവന്നൂർ എസ്.ആർ.വി യു.പി സ്കൂളിൽ അടുക്കളത്തോട്ടം പദ്ധതി തുടങ്ങി. സ്‌കൂളിലെ 30 സെന്റ് സ്ഥലത്താണ് കുട്ടികർഷകർ വിത്തിറക്കുന്നത്. സ്‌കൂൾ വെൽഫെയർ കമ്മി​റ്റിയുടെ നേതൃത്വത്തിൽ പി.ടി.എ, എം.പി.ടി.എ അംഗങ്ങളും കൃഷിയിൽ സഹായത്തിനുണ്ട്.

ഹെഡ്മാസ്​റ്റർ അനിയൻ പി. ജോൺ, വെൽഫെയർ കമ്മി​റ്റി ചെയർമാൻ തമ്പി പാതിരിക്കാട്ട്, പി.ടി.എ പ്രസിഡന്റ് പി.സി. പ്രദീപ്, കെ.എൻ. നാരായണൻ എന്നിവർ നേതൃത്വം നൽകി. വഴുതന, ചേന, ചേമ്പ്, പയർ,വെണ്ട, ചീര, മുളക്, തക്കാളി, മുരിങ്ങ തുടങ്ങിയ സ്‌കൂൾ അടുക്കളയ്ക്ക് ആവശ്യമായ വിവിധയിനം പച്ചക്കറി തൈകളാണ് നട്ടു പരിപാലിക്കുന്നത്.