ജീർണ്ണിച്ച  കെട്ടിടം  ഉടനെ  പൊളിച്ചു നീക്കണമെന്ന്

വണ്ടൂർ: വർഷങ്ങൾ പഴക്കമുള്ള ടൗണിലെ ഇരുനില കെട്ടിടം ഭീഷണി ഉയർത്തുന്നതായി പരാതി. കെട്ടിടത്തിന്റെ
മരം കൊണ്ടുള്ള ഭീം ചിതൽ തിന്ന് നിലം പൊത്താറായ അവസ്ഥയിലാണ്. ടൗണിൽ സി.ഐ.ടി.യു തൊഴിലാളികൾ വിശ്രമിക്കാനായി ഉപയോഗിക്കുന്നത് ഈ കെട്ടിടമാണ്. കെട്ടിടം പൊളിഞ്ഞു വീണാൽ ആളപായത്തിന് സാധ്യതയുള്ളതിനാൽ
എത്രയും പെട്ടെന്ന് പൊളിച്ചു നീക്കണമെന്ന് ആവശ്യപ്പെട്ട് വണ്ടൂർ ആരോഗ്യ കലാ സാംസ്‌കാരിക സമിതി പഞ്ചായത്തിലും പൊലീസിലും പരാതി നൽകി. ഡോ. റൗഫ് വണ്ടൂർ,​ ഡോ. മുഹമ്മദ് റഫീഖ്,​ സി.കെ. അസൈനാർ അഞ്ചച്ചവിടി തുടങ്ങിയവർ നേതൃത്വം നൽകി.