പെൺകുട്ടിയെ തട്ടിക്കൊണ്ടു പോകാൻ ശ്രമിച്ച കേസിലെ പ്രതി കൈവിലങ്ങുമായി രക്ഷപ്പെട്ടു

കോഴിക്കോട് : സ്കൂൾ വിദ്യാർത്ഥിയെ തട്ടിക്കൊണ്ടു പോകാൻ ശ്രമിച്ച കേസിൽ പൊലീസ് കസ്റ്റിഡിയിൽ എടുത്ത പ്രതി കൈവിലങ്ങുമായി രക്ഷപ്പെട്ടു. കോഴിക്കോട് ഫറോക്കിലാണ് സംഭവം. അസം സ്വദേശി പ്രസൺജിത്താണ് ചാടിപ്പോയത്. ഉത്ത‌ർപ്രദേശ് സ്വദേശിയായ പെൺകുട്ടിയെ തട്ടിക്കൊണ്ടുപോകാൻ ശ്രമിച്ചു എന്ന കേസിലാണ് ഇയാളെ പൊലീസ് കഴിഞ്ഞ ദിവസം കസ്റ്റഡിയിൽ എടുത്തത്. അറസ്റ്റ് രേഖപ്പെടുത്തി ഇന്ന് കോടതിയിൽ ഹാജരാക്കുന്നതിന് കൊണ്ടുപോകുന്നതിനായി നിൽക്കുന്നതിനിടെയാണ് വിലങ്ങുമായി ഇയാൾ രക്ഷപ്പെട്ടതെന്ന് പൊലീസ് പറഞ്ഞു.

വിലങ്ങണിയിച്ച് പ്രതിയെ ബെഞ്ചിൽ ഇരുത്തിയിരിക്കുകയായിരുന്നു. ഇതിനിടെ പൊലീസിന്റെ ശ്രദ്ധ തെറ്റിയപ്പോൾ പിൻവാതിൽ വഴി രക്ഷപ്പെടുകയായിരുന്നു എന്നാണ് വിവരം. പ്രതിക്കായി നിലവിൽ തെരച്ചിൽ തുടരുകയാണ്.