കാർപ്പ് മത്സ്യക്കുഞ്ഞുങ്ങളെ നിക്ഷേപിച്ചു

പാറശാല:പാശാല ഗ്രാമ പഞ്ചായത്തിൽ ഇടിച്ചയ്ക്കപ്ലാമൂട് വാർഡിലെ മുഴുവൻ പൊതു കുളങ്ങളിലും വാർഡ് മെമ്പർ എം. സെയ്ദലിയുടെ നേതൃത്വത്തിൽ കാർപ്പ് മത്സ്യക്കുഞ്ഞുങ്ങളെ നിക്ഷേപിച്ചു.ജലശുദ്ധിക്കായാണ് പായലുകളും മറ്റും തീറ്റയാക്കുന്ന മത്സ്യക്കുഞ്ഞുങ്ങളെ നിക്ഷേപിച്ചത്.തെറ്റിക്കുളം,പെരിന്തലക്കുളം,ചിറക്കുളം,കൂരോട്ടുകോണം കുളം തുടങ്ങി വാർഡിലെ മുഴുവൻ പൊതു കുളങ്ങളിലും മത്സ്യക്കുഞ്ഞുങ്ങൾ നിക്ഷേപിച്ചു.പരശുവയ്ക്കൽ എഫ്.എച്ച്.സിയിലെ ജെ.പി.എച്ച് എൻ.വിജയലക്ഷ്മി,എം.എൽ.എസ്.പി.അർച്ചന,അങ്കണവാടി ടീച്ചർ ലതാകുമാരി,ആശാവർക്കർ വിജയകുമാരി വാർഡ് വികസന സമതി വൈസ് പ്രസിഡന്റ് വി.ഹസൻഖാൻ,ജനറൽ സെക്രട്ടറി വിശ്വനാഥൻ,കുളം സംരക്ഷണ സമിതി ഭാരവാഹികളായ ശശിധരൻ നായർ,മോഹനൻ,സിദ്ദിഖ്,ചാർളി തുടങ്ങിയവർ പങ്കെടുത്തു.